કેલ્શિયમ આપણા શરીર માટે ખાસ કરીને હાડકાં, મસલ્સ અને દાંતની મજબૂતાઈ માટે ખૂબ જ જરૂરી છે. આ માટે, શરીરમાં કેટલાક એજાઈમ અને હોર્મોન્સ હોય છે, જેના વિકાસ માટે પણ કેલ્શિયમ ખૂબ જ મહત્વપૂર્ણ છે.
તે દરેક વયના દરેક વ્યક્તિ માટે જરૂરી છે, પછી તે બાળક હોય, વૃદ્ધ હોય કે યુવાન. ખાસ કરીને મહિલાઓ માટે કેલ્શિયમ ખૂબ જ જરૂરી છે કારણ કે થોડા સમય પછી મહિલાઓના શરીરમાં કેલ્શિયમની ઉણપ શરૂ થઈ જાય છે.
પીરિયડ્સ દરમિયાન, ડિલિવરી સમયે અને સ્તનપાન કરાવ્યા પછી મહિલાઓના શરીરમાં કેલ્શિયમ ઓછું થવા લાગે છે. આજે અમે તમને એવા ખોરાક વિશે જણાવીશું જેમાં ભરપૂર માત્રામાં કેલ્શિયમ હોય છે અને જેનું સેવન કરીને કેલ્શિયમની ઉણપ દૂર કરી શકો છો.
નિષ્ણાત મુજબ, છોકરીઓએ પીરિયડ્સ, ગર્ભાવસ્થા, સ્તનપાન અને મેનોપોઝ જેવી ઘણી કુદરતી પ્રક્રિયાઓમાંથી પસાર થવું પડે છે. આવી સ્થિતિમાં તેમને હેલ્દી આહાર અને વધુ કેલ્શિયમની જરૂર હોય છે. મેનોપોઝ પછી મહિલાઓના શરીરમાં કેલ્શિયમ ઓછું થવા લાગે છે.
પરંતુ મૂંઝવણ એ છે કે આજે પણ આપણા સમાજમાં છોકરાઓ કરતાં છોકરીઓને ઓછો ખોરાક આપવામાં આવે છે. આ જ કારણ છે કે કેલ્શિયમ આપણા હાડકાના સ્વાસ્થ્ય માટે સૌથી મહત્વપૂર્ણ પોષક તત્વોમાંનું એક છે. સ્ત્રીઓને પુરૂષો કરતાં વધુ કેલ્શિયમની જરૂર હોય છે કારણ કે તેઓ ઉંમરની સાથે હાડકાંની સમસ્યા વધારે હોય છે.
1. ચીઝ : ચીઝમાં પણ કેલ્શિયમ ભરપૂર હોય છે, તેથી તેને રોજ ખાઓ, પરંતુ ધ્યાનમાં રાખો કે તેની માત્રા મર્યાદિત હોવી જોઈએ, નહીં તો ચરબી વધી શકે છે. જાણકારી માટે તમને જણાવી દઈએ કે તમામ પ્રકારના ચીઝમાં કેલ્શિયમ ભરપૂર માત્રામાં હોય છે, તેથી તમે ઈચ્છો એ પ્રકારનું ચીઝ ખાઈ શકો છો.
2. તલ અને રાગી : તલમાં કેલ્શિયમ પણ હોય છે. રોજ 1 ગ્લાસ દૂધમાં 1 ચમચી તલ ભેળવીને પીવાથી કેલ્શિયમની ઉણપ દૂર થાય છે. આ સિવાય રાગીમાં પણ ભરપૂર માત્રામાં કેલ્શિયમ જોવા મળે છે. તે હાડકાંને કમજોર પડતાં અટકાવે છે.
3. બદામ : બદામ કેલ્શિયમનો સમૃદ્ધ સ્ત્રોત છે. બદામ મગજને તેજ બનાવે છે. આ સાથે હાડકા અને દાંતને પણ મજબૂત બનાવે છે અને સ્નાયુઓને પણ સ્વસ્થ રાખે છે. તેમાં અન્ય પોષક તત્વો પણ હાજર હોય છે. કેલ્શિયમની ઉણપ પૂરી કરવા માટે બદામને એક ગ્લાસ દૂધમાં પીસીને રોજ પીવો. અથવા દરરોજ 5 બદામ ખાઓ. .
4. પાલક : પાલકમાં કેલ્શિયમ ભરપૂર માત્રામાં હોય છે. 100 ગ્રામ પાલકમાં 99 મિલિગ્રામ કેલ્શિયમ હોય છે. શરીરને સ્વસ્થ રાખવા માટે અઠવાડિયામાં ઓછામાં ઓછા 3 વખત પાલક ખાઓ. લીલા શાકભાજીના સેવનથી હાડકાં મજબુત થશે અને તેનો વિકાસ થશે અને કેન્સર જેવી ગંભીર બીમારીથી પણ બચી શકશો.
5. દૂધ અને તેની પ્રોડક્ટ : તે કેલ્શિયમનો શ્રેષ્ઠ સ્ત્રોત માનવામાં આવે છે. એટલા માટે એવું પણ કહેવાય છે કે દરરોજ દૂધ પીવું જોઈએ. એક ગ્લાસ દૂધમાં લગભગ 300 ગ્રામ કેલ્શિયમ હોય છે. દૂધના અભાવે શરીરમાં કેટલી કેલ્શિયમની ઉણપ થાય છે. કેલ્શિયમની ઉણપ દાંત તૂટવા કે પડવા, હાડકાં નબળાં થવાનું કારણ છે.
પનીર અને દહીં જેવા દૂધમાંથી બનેલા ઉત્પાદનોમાં પણ કેલ્શિયમ વધુ જોવા મળે છે, તેથી તેને તમારા આહારમાં નિયમિતપણે સામેલ કરો. દહીં ન માત્ર કેલ્શિયમ પ્રદાન કરે છે પરંતુ તે આપણા શરીરને ઇન્ફેક્શનથી પણ બચાવે છે.
6. અંજીર : અંજીરને કેલ્શિયમનો સારો સ્ત્રોત પણ માનવામાં આવે છે. તેના નિયમિત સેવનથી હાડકાંને લગતી બીમારીઓ દૂર ભાગે છે, સાથે જ તેનાથી હાડકાંનો વિકાસ પણ થાય છે. વાસ્તવમાં અંજીરમાં ફોસ્ફરસ પણ હોય છે અને આ તત્વ હાડકાંનો વિકાસ કરે છે.
1 કપ અંજીર ખાવાથી શરીરને લગભગ 240 મિલિગ્રામ કેલ્શિયમ મળે છે. આ સિવાય તેમાં ફાઈબર, વિટામિન K અને પોટેશિયમ પણ જોવા મળે છે. રોજ ખાલી પેટે અંજીર ખાવાથી કબજિયાત અને પાચન સંબંધી સમસ્યાઓને પણ દૂર કરી શકાય છે.
7. ટામેટાંમાં વિટામિન K : ટામેટામાં વિટામિન-K હોય છે અને તે કેલ્શિયમનો પણ સારો સ્ત્રોત છે. એટલા માટે દરરોજ તમારા આહારમાં ટામેટાંનો સમાવેશ જરૂર કરો. ટામેટા માત્ર હાડકાંને તો મજબુત બનાવે જ છે, પરંતુ શરીરમાં કેલ્શિયમની ઉણપને પણ પૂરી કરે છે.
8. બ્રોકોલી : બ્રોકોલી..આ એક એવું શાકભાજી છે જે બાળકોથી લઈને વડીલો અને સ્ત્રી-પુરુષો દરેકે ખાવું જોઈએ કારણ કે દૂધ અને સોયાબીન પછી જો કોઈ ખોરાકમાં સૌથી વધુ કેલ્શિયમ હોય તો તે માત્ર બ્રોકોલી છે. તેમાં કેલ્શિયમ ઉપરાંત ઝીંક, ફોસ્ફરસ, ડાયેટરી ફાઈબર, વિટામિન બી-6, વિટામિન-ઈ, મેગ્નેશિયમ, ક્લોરિન, વિટામિન બી-1 અને વિટામિન-એ કેરોટીનના રૂપમાં હોય છે.
9. સોયાબીન : સોયાબીનમાં દૂધ જેટલું જ કેલ્શિયમ હોય છે, તેથી તેનો ઉપયોગ દૂધના વિકલ્પ તરીકે પણ થાય છે, એટલે કે જે મહિલાઓ દૂધ પીતી નથી, જો તેઓ દરરોજ સોયાબીનનું સેવન કરે છે તો તેમના હાડકાં નબળા નથી પડતા.
આ સિવાય કેટલાક એવા મસાલા છે જે કેલ્શિયમથી ભરપૂર હોય છે. ઘણી સ્ત્રીઓ આ જાણતી નથી. પરંતુ જો તેનું નિયમિત સેવન કરવામાં આવે તો કેલ્શિયમની ઉણપને દૂર કરી શકાય છે. જીરું, લવિંગ, કાળા મરી અને અજમો વગેરે કેલ્શિયમ સમૃદ્ધ મસાલા છે.
Comments are closed.