માનવ શરીરનું ધ્યાન રાખવું ખૂબ જ જરૂરી છે, કારણ કે આપણી આસપાસની રહેલી વસ્તુઓ જે ફાયદો પહોંચાડે છે તેટલું જ નુકસાન પણ કરી શકે છે. વ્યક્તિ યોગ્ય રીતે કામ કરી શકે છે, તેનું જીવન યોગ્ય રીતે જીવી શકે છે, સ્વસ્થ અને ફિટ રહી શકે વગેરે માટે આપણે હેલ્ધી ફૂડ ખાવું જોઈએ.
આપણે એવો આહાર લેવો જોઈએ જેમાં પ્રોટીન, વિટામિન, કેલ્શિયમ અને પોષક તત્વો ભરપૂર હોય. પરંતુ આજકાલ લોકો જે રીતે બહારના ખોરાકને તેમના જીવનમાં સમાવેશ કરી રહ્યા છે, તે આપણા શરીર માટે અને તે પણ ખાસ કરીને 35 કે તેથી વધુ ઉંમરના લોકો માટે ખૂબ જ નુકસાનકારક સાબિત થઈ શકે છે.
તો ચાલો જાણીએ કેટલાક ખાદ્ય પદાર્થો વિશે જેનું સેવન 35 વર્ષની ઉંમર પછી ન કરવામાં આવે તો શરીરને ઘણા અદ્ભુત ફાયદાઓ મળી શકે છે. બર્ગર: બર્ગર લોકોને ખૂબ પસંદ આવે છે, પરંતુ આપણે સમજવું પડશે કે આવા ખોરાકમાં ઓમેગા -6 ફેટી એસિડ અને સોડિયમ જેવી વસ્તુઓનું પ્રમાણ ખૂબ વધારે હોય છે.
આ બંને વસ્તુઓ શરીર માટે હાનિકારક છે, જેના કારણે હાર્ટ એટેક ઉપરાંત અન્ય ઘણી બીમારીઓનું જોખમ પણ વધી જાય છે. એનર્જી ડ્રીંક: જ્યારે પણ આપણા કામને કારણે થોડી સુસ્તી અનુભવીએ છીએ, ત્યારે આપણે એનર્જી ડ્રિંકનું સેવન કરીએ છીએ.
પરંતુ તમે નથી જાણતા કે તેમાં ખાંડ અને કેફીનની માત્રા વધુ હોવાને કારણે તે આપણા શરીરને ધીરે ધીરે નુકસાન પહોંચાડે છે, જેના કારણે તેની ખરાબ અસર આપણી ત્વચા અને દાંત પર જોવા મળે છે.
લાલ માંસ: રેડ મીટ ખાવામાં ભલે સ્વાદિષ્ટ હોય, પરંતુ તેમાં રહેલું ફેટ અને કોલેસ્ટ્રોલ આપણા શરીર માટે ફાયદાકારક નથી. તેમાં સોડિયમની વધુ માત્રા મળી આવે છે, જેના કારણે આપણું બ્લડ પ્રેશર પણ વધી શકે છે. તેની સાથે જ સ્થૂળતા, આર્થરાઈટિસ અને હૃદય સંબંધિત બીમારીઓનો ખતરો રહે છે.
સોડા ડ્રીંક: સોડા ડ્રીંક જેવી વસ્તુઓ આપણા શરીર માટે ફાયદાકારક નથી હોતી, કારણ કે તેમાં શુગરનું પ્રમાણ ખૂબ વધારે હોય છે, સાથે જ તેમાં રહેલ કેફીન અને કલર પણ આપણા શરીરને અનેક રીતે નુકસાન પહોંચાડવાનું કામ કરે છે. એટલું જ નહીં દરરોજ સોડા ડ્રિંકનું સેવન કરવાથી હાર્ટ એટેકનો ખતરો પણ નોંધપાત્ર રીતે વધી જાય છે.
જો તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
