આમળા સ્વાસ્થ્ય માટે ભગવાને આપેલું વરદાન માનવામાં આવે છે. આવું એટલા માટે છે કારણ કે આમળામાં વિટામિન-સી ભરપૂર માત્રામાં હોય છે જે નારંગીના રસ કરતાં પણ 20 ગણું વધુ છે. આમળાની સૌથી સારી વાત એ છે કે તેનું સેવન કોઈપણ સ્વરૂપમાં કરી શકાય છે.
આજે અમે તમને આમળાના જ્યુસ વિશે જણાવીશું. તમે દરરોજ સવારે થોડો આમળાનો રસ પી ને ઘણી સ્વાસ્થ્ય સંબંધિત સમસ્યાઓ દૂર કરી શકો છો. આ સિવાય તે તમને સુંદર બનાવવામાં પણ મદદ કરે છે કારણ કે તે આમળા વાળ અને ત્વચા માટે પણ ફાયદાકારક છે.
સવારે સૌથી પહેલા 20 મિલી આમળાનો જ્યૂસ લો, દરરોજ આમળાનું સેવન કરવાનું કારણ, તે થાઇરોઇડને સંતુલિત કરે છે અને વાળ ખરતા અટકાવે છે અને અકાળે સફેદ થતા વાળને અટકાવે છે. આ સિવાય પણ ઘણા ફાયદા છે.
આમળાના રસના ફાયદા : આમળા એસિડિટી, પેટનું ફૂલવું અથવા અન્ય કોઈપણ ગેસ્ટ્રિક સમસ્યાને દૂર કરે છે. પાચન સુધારે છે અને સુગર ને હાઈ લેવલને અને કોલેસ્ટ્રોલના ઉચ્ચ સ્તરને ઘટાડવામાં પણ મદદ કરે છે. તેથી તે હૃદય માટે સારું માનવામાં આવે છે.
તેમાં વિટામિન સી ભરપૂર હોવાથી રોગપ્રતિકારક શક્તિ મજબૂત કરે છે. વજન ઘટાડવા અને વજન ને નિયંત્રણ કરવામાં મદદ કરે છે. આંખો માટે પણ સારું છે અને તેનું સેવન કરવાથી તમે ખૂબ જ શાંતિનો અનુભવ થાય છે. ત્વચા માટે અદ્ભુત છે કારણ કે તે લોહીને શુદ્ધ કરે છે અને તેથી ખીલ, શુષ્કતા, લાલાશ વગેરે જેવી સમસ્યાઓને અટકાવે છે.
આમળાની સૌથી સારી વાત એ છે કે તેમાં 5 ફ્લેવર છે, પંચ-રસિક છે. તેમાં ખારા સિવાય બીજા બધા ફ્લેવર પણ હોય છે અને આયુર્વેદ પણ તેને સંતુલિત ખોરાક માને છે જેમાં તમામ 6 સ્વાદ છે. આ બધું જાણીને તમે પણ આમળાનું સેવન શરુ કરવા લાગશો.
આમળાના આયુર્વેદિક ગુણો : આમળાનો રસ સ્વાદમાં ખાટો હોય છે અને તેની તાસીર ઠંડી હોય છે. આચાર્ય ચરકે આમળાને શ્રેષ્ઠ ઔષધિ ગણાવી હતી. સંશોધન દ્વારા એ પણ સાબિત થયું છે કે તેમાં એન્ટિ-એજિંગ, એન્ટિ-ઓક્સિડન્ટ, એન્ટિ-માઇક્રોબાયલ, એન્ટિ-ઇમેટિક, એન્ટિ-ઇન્ફ્લેમેટરી, એન્ટિ-ડાયાબિટીક, લિવર માટે સારું અને કોલેસ્ટ્રોલ ઘટાડે છે વગેરે ગુણધર્મો છે.
જો તમને આમાંથી કોઈ સમસ્યા હોય અથવા તમારી ત્વચા, આંખો, વાળ અને રોગપ્રતિકારક શક્તિને મજબૂત કરવા માંગતા હોય તો દરરોજ આમળા ખાઓ.
આમળાનું સેવન કરવાની રીત : માત્ર 3 આમળા લો અને તેનો રસ કાઢીને તૈયાર કરીને તેનું સેવન કરો. આ સિવાય જો ઘરે આમળા ના હોય તો આયુર્વેદિક સ્ટોરમાંથી આમળા પાવડર અથવા જ્યુસ મેળવી શકો છો.
સાવધાની : કોઈપણ ઔષધિનું નિયમિત સેવન કરતા પહેલા આયુર્વેદિક ડૉક્ટરની સલાહ લેવી અને તમારી તાજેતરની સ્વાસ્થ્ય સ્થિતિ વિશે વિગતવાર ચર્ચા કરવી જોઈએ, જેથી ડૉક્ટર તમારી પ્રકૃતિ અને રોગ મુજબ જડીબુટ્ટીની ભલામણ કરી શકે.
આ બધી સમસ્યાઓથી બચવા માટે તમે રોજ સવારે આમળાના રસનું સેવન કરી શકો છો. આશા છે કે તમને આ માહિતી પસંદ આવી હશે અને આવી જ માહિતી માટે રસોઈનીદુનિયા સાથે જોડાયેલા રહો.
