ઠંડા ઠંડા પાણીથી નહાવું જોઈએ. ના, ના – શિયાળાની ઋતુમાં ઠંડા પાણીથી નહાવું એટલે તબિયત બબગાડવી સમાન લાગે છે. શિયાળાની ઋતુમાં લગભગ દરેક ઘરમાં નહાવા માટે વોટર હીટરના સળિયા કે ગીઝરનો ઉપયોગ થાય છે.
ગીઝરમાંથી પાણી ઝડપથી ગરમ થાય છે, પરંતુ એક વર્ષ સુધી તેનો ઉપયોગ ન કરવા અથવા સાફ ન કરવાને કારણે ગીઝરની ઉપર ગંદકીનું જાડું પડ જામી જાય છે. ઘણી વખત ગીઝરની સફાઈ ન થાય તો પાઈપ કે કનેક્શન પોઈન્ટ પર પણ કાટ લાગે છે જેના કારણે પાણીના પુરવઠામાં તકલીફ થાય છે.
આ લેખમાં, અમે તમને કેટલીક ટિપ્સ અને હેક્સ જણાવવા જઈ રહ્યા છીએ, જેને અનુસરીને તમે ગીઝરને સરળતાથી ઘરે સાફ કરી શકો છો. ચાલો જાણીએ ગીજરને સાફ કરવાની કેટલીક ટિપ્સ વિશે.
સૌથી પહેલા કરો આ કામ : ગીઝરને સાફ કરવું મોટી વાત નથી, પરંતુ તેને સાફ કરતા પહેલા કેટલીક બાબતોનું ધ્યાન રાખવું જોઈએ. આ માટે સૌથી પહેલા ગીઝરનો પાવર બંધ કરો. ગીઝર બાથરૂમમાં અમુક ઊંચાઈએ મૂકેલું હોય છે. આ કિસ્સામાં, તમારે તેને સાફ કરવા માટે સીડીની જરૂર પડી શકે છે. સફાઈ કરવા માટે મોજા અને માસ્કનો ઉપયોગ જરૂર કરો.
ખાવાનો સોડાનો ઉપયોગ કરો : ગીઝરની ઉપર એકઠી થયેલી ગંદકીને સરળતાથી સાફ કરવા માટે તમે ખાવાના સોડાનો ઉપયોગ કરી શકો છો. આના ઉપયોગથી ગીઝર પર રહેલી ગંદકીની સાથે ડાઘ પણ સાફ થઈ જશે. આ માટે નીચેના પગલાં અનુસરો.
સૌથી પહેલા 2 લીટર પાણીમાં 4-5 ચમચી ખાવાનો સોડા નાખીને મિક્ષ કરી લો. હવે આ મિશ્રણને થોડું હૂંફાળું કરી લો અને તેને સ્પ્રે બોટલમાં ભરી લો. આ પછી, સીડીનો ઉપયોગ કરીને ગીઝરની સાઈડમાં સ્પ્રે છાંટો. લગભગ 10 મિનિટ પછી ક્લિનિંગ બ્રશથી ઘસીને સાફ કરો.
બોરેક્સ પાવડરનો ઉપયોગ કરો : તમે જંતુઓથી છુટકારો મેળવવા અથવા ઘરને સાફ કરવા માટે બોરેક્સ પાવડરનો ઉપયોગ ઘણી વખત કર્યો હશે. તમે ગીઝરને સાફ કરવા સિવાય, તમે તેનો ઉપયોગ કનેક્શન પોઇન્ટ પરથી કાટ દૂર કરવા માટે પણ કરી શકો છો.
સૌ પ્રથમ, 1-2 લિટર પાણીમાં 3-4 ચમચી બોરેક્સ પાવડર ઉમેરો અને સારી રીતે મિક્સ કરો. હવે સીડી/ખુરશીનો ઉપયોગ કરીને આ મિશ્રણને ગીઝર પર સ્પ્રે કરો. બીજી બાજુ, 2 ચમચી બોરેક્સ પાવડરમાં પાણીના થોડા ટીપાં ઉમેરીને ઘટ્ટ મિશ્રણ તૈયાર કરો અને તેને કાટ લાગેલ જગ્યા પર લગાવો. લગભગ 10 મિનિટ પછી તેને ક્લિનિંગ બ્રશથી સાફ કરો.
આ વસ્તુઓનો ઉપયોગ કરો : ગીઝરની સફાઈ માટે તમે માત્ર ખાવાનો સોડા અથવા બોરેક્સ પાવડર જ નહીં પરંતુ વિનેગર, ડિટર્જન્ટ અથવા હાઇડ્રોજન પેરોક્સાઇડનો પણ ઉપયોગ કરી શકો છો.
સફાઈ કર્યા પછી આ કામ કરો : જેમ સફાઈ કરતા પહેલા તમારે કેટલીક બાબતો પર ધ્યાન આપવાની જરૂર છે, તેવી જ રીતે ગીઝર સાફ કર્યા પછી પણ કેટલીક બાબતો પર ધ્યાન આપવું જોઈએ. સફાઈ કર્યા પછી ગીઝરને લગભગ 20-30 મિનિટ સુધી સૂકવવા દો.
આ પછી તેને પ્લગ ઇન કરીને 30 મિનિટ પછી એકવાર તપાસો. પ્લગ ઇન કરતી વખતે અથવા તેને ચાલુ કરતી વખતે મોજા અને ચંપલ જરૂર પહેરો. જો તમને આ ટિપ્સ પસંદ આવી હોય તો રસોઈનીદુનિયા સાથે જોડાયેલા રહો.
