શું તમારા પગમાંથી ખરાબ દુર્ગંધ આવે છે અને લાખ પ્રયત્નો કર્યા પછી પણ તમારા પગ સાફ નથી થતા. તમને જણાવી દઈએ કે પગમાં દુર્ગંધ આવવાના ઘણા કારણો હોઈ શકે છે. જો કે, પગમાંથી દુર્ગંધ આવવાને કારણે, લોકોને ઘણીવાર ઓફિસમાં શરમનો સામનો કરવો પડે છે.
શું તમે પણ આ દુર્ગંધથી છુટકારો મેળવવા માટે ઘણા ઉપાયો કરી ચુક્યા છો? પરંતુ હજુ પણ કોઈ ફાયદો થયો નથી? તો આજે આ આર્ટીકલમાં અમે તમને જણાવીશું કે બેકિંગ સોડાની મદદથી પગમાંથી આવતી દુર્ગંધને તમે કેવી રીતે દૂર કરી શકો છો. તો આવો જાણીએ કેવી રીતે.
શા માટે પગમાં દુર્ગંધ આવે છે? આપણા શરીરમાં રહેલી પરસેવાની ગ્રંથીઓના કારણે પરસેવો આવે છે. પરંતુ જ્યારે આ જ પરસેવો તમારા પગરખાં અથવા મોજાંમાં ફસાઈ જાય છે ત્યારે તે ખરાબ દુર્ગંધમાં ફેરવાઈ જાય છે. આને બ્રોમોડોસિસ કહેવામાં આવે છે. આ સિવાય તમારા પગમાં બેક્ટેરિયા હોય છે, જે પરસેવાના કારણે વધવા લાગે છે. આ બેક્ટેરિયા એસિડ બનાવે છે, જેના કારણે પગમાં દુર્ગંધ આવવા લાગે છે.
બેક્ટેરિયા સિવાય, ફૂગના કારણે પણ દુર્ગંધ આવે છે. આનું કારણ એ છે કે ફૂગ ગરમ અને ભેજવાળા વિસ્તારોમાં પેદા થાય છે. પગમાંથી નીકળતા પરસેવાને પગરખાં અને મોજાં શોષી લે છે, જેના કારણે ફંગસનો વિકાસ થવા લાગે છે. આ ફૂગને એથલીટ ફૂટ તરીકે ઓળખાય છે.
આ કારણોથી પણ પગમાં દુર્ગંધ આવે છે : સ્વચ્છતા ના રાખવી, દરરોજ એજ જ જૂતા પહેરવા અથવા વારંવાર તમારા જૂતા(ચપ્પલ કે બુટ) બદલતા નથી અને ઘણીવાર કોઈ બીમારી હોય તો તેના કારણે પણ દુર્ગન્ધ આવી શકે છે.
ખાવાનો સોડાથી દૂર કરો પગની દુર્ગંધ : તમે પગની દુર્ગંધથી છુટકારો મેળવવા માટે બેકિંગ સોડાનો ઉપયોગ કરી શકો છો. બેકિંગ સોડામાં ઘણા ગુણો રહેલા છે જે બેક્ટેરિયાને મારી નાખે છે અને ગંધને દૂર કરે છે. શું તમે પણ જાણવા માગો છો કે ખાવાના સોડાથી પગની દુર્ગંધથી કેવી રીતે છુટકારો મેળવી શકાય? તો ચાલો જાણીએ.
ખાવાના સોડાથી પગ ધોવો : પગની દુર્ગંધ દૂર કરવા માટે તમે બેકિંગ સોડાનો ઉપયોગ કરી શકો છો. ખાવાના સોડાથી ફુટ બાથ બનાવો. આ માટે, એક ગરમ પાણીથી ડોલ અથવા ટબ ભરો. હવે ગરમ પાણીમાં 1/4 કપ ખાવાનો સોડા ઉમેરો. પછી પાણી અને ખાવાનો સોડાનું ફીણ બનાવો. ખાવાનો સોડા એન્ટી-માઈક્રોબાયલ એક્ટિવિટી માટે જાણીતું છે.
જેનાથી તમારી પગની દુર્ગંધ દૂર થઈ જશે. હવે તેમાં લીંબુ નીચોવી લો. તેનાથી ખટાશની સુંગંધ આવશે. હવે તમારા પગને બેકિંગ સોડાની પેસ્ટમાં લગભગ 15 મિનિટ સુધી પલાળી રાખો. ખાવાનો સોડા તમારા પગમાં રહેલા બેક્ટેરિયાને મારવામાં મદદ કરશે અને તમારા પગની ડેડ સ્કિન પણ દૂર કરી દેશે.
પગને સૂકાવો : હવે તમારા પગને ટુવાલથી સુકવી લો. તમારા પગને સંપૂર્ણપણે સુકાવા દો, 10-15 મિનિટ માટે મોજાં અથવા પગરખાં પહેરવાનું ટાળો. તેનાથી તમારા મોજાં કે શૂઝમાં ભેજ ઓછો રહેશે. જેનાથી દુર્ગંધ આવતી નથી. તમારા પગને લાંબા સમય સુધી પલાળીને રાખશો નહીં. તેનાથી તમારા પગમાં ભેજ રહેશે. જેનાથી દુર્ગંધ આવવાની શક્યતા વધી જાય છે.
પગરખાંમાંથી કેમ ગંધ આવે છે? જો તમારા પગમાં પરસેવો આવે છે, તો તેનું એક કારણ તમારા જૂતા છે. કારણ કે જૂતા પહેરવાથી પગ ભીના અને ગરમ રહે છે, જેના કારણે બેક્ટેરિયા પેદા થાય છે. પછી જ્યારે તમે શૂઝ પહેરો છો ત્યારે તમારા પગમાંથી દુર્ગંધ આવવા લાગે છે.
ખાવાનો સોડાનો ઉપયોગ કરો : પગમાંથી દુર્ગંધ દૂર કરવા માટે, દરરોજ જૂતાનો ઉપયોગ કરતા પહેલા એક રાત પહેલા તેમાં બેકિંગ સોડા નાખો. જૂતામાં 2 ચમચી ખાવાનો સોડા નાખીને તેને આખા જૂતામાં ફેલાવી લો. ખાવાનો સોડા તમારા પગરખાંમાં રહેલા ભેજને શોષી લેશે, જેનાથી દુર્ગંધ પેદા કરતા બેક્ટેરિયા વધવાની શક્યતા ઓછી થઈ જશે અને જૂતામાં રહેલી દુર્ગંધ પણ દૂર થઇ જશે.
હવે શૂઝ પહેરતા પહેલા તેમાં નાખેલો બેકિંગ સોડા કાઢી લો. ખાવાનો સોડા કાઢવા માટે ભીના કપડાનો ઉપયોગ કરશો નહીં. તમે હેન્ડ ટુવાલ અથવા કોઈપણ સૂકા કપડાનો ઉપયોગ કરો. પછી જ પગરખાં પહેરો. ખાવાનો સોડાનો ઉપયોગ કરીને, તમે પણ જોશો કે પગમાં હવે દુર્ગંધ આવતી નથી.
આ બાબતોનું ખાસ ધ્યાન રાખો : દરરોજ તમારા પગને સારી રીતે ધોઈને સ્ક્રબ જરૂર કરો. તમારે પગમાંથી દુર્ગંધ ન આવે તે માટે પેડિક્યોર કરાવવું જોઈએ. જો તમે ઈચ્છો તો તમે ઘરે પણ પેડિક્યોર કરી શકો છો અથવા તમે પાર્લરમાં જઈને કરાવી શકો છો.
પગમાંથી ખરાબ દુર્ગંધ આવવાનું એક કારણ એ પણ છે, તેથી દરરોજ મોજાં બદલો. તમારે અઠવાડિયામાં એકવાર તમારા પગને ધોઈને સાફ કરવા જોઈએ. આ તમારા પગની દુર્ગંધને દૂર કરશે. લોકલ બ્રાન્ડના શૂઝ પહેરવાથી પણ ગંધ આવે છે તો બ્રાન્ડેડ શૂઝ જ પહેરવાનો પ્રયાસ કરો. અમને આશા છે કે તમને અમારો આ લેખ જરૂર ગમ્યો હશે. આવા જ વધુ લેખો વાંચવા માટે રસોઈનીદુનિયા સાથે જોડાયેલા રહો.
