જ્યારે તમે 30 વર્ષ પર પહોંચી જાઓ ત્યારે તમારું ચયાપચય એટલું મજબૂત હોતું નથી જેટલું તે તે 20 વર્ષની ઉંમરમાં હતું. તમે તમારી જાતને વૃદ્ધત્વના શરૂઆતના સંકેતો વિકસાવવાનું શરૂ કરો છો. વધતી જતી જવાબદારીઓને કારણે તમારા હાડકાં, ત્વચા, હૃદયની તંદુરસ્તી સાથે ચેડાં થાય છે.
આ તે સમય હોય છે જ્યારે તમારે તમારી પહેલા કરતા વધારે સંભાળ લેવાનું શરૂ કરવું જોઈએ જેથી કરીને તમે વધતી ઉંમરની સાથે ત્વચા પર દેખાતા વૃદ્ધત્વના કોઈપણ ચિહ્નો વગર સ્વસ્થ અને સક્રિય જીવન જીવી શકો. આખરે તમારા શરીરમાં શું થઈ રહ્યું છે તે તમારો દેખાવ પર જ દેખાય છે.
તમે પણ 30 વર્ષની ઉંમર પછી તમારી જાતને કેવી રીતે ફિટ, સ્વસ્થ અને યુવાન રાખી શકો છો, તે માટે આજે અમે તમારી સાથે 3 ટિપ્સ શેર કરી રહ્યા છીએ. તો ચાલો જાણીયે કઈ છે આ 3 ટિપ્સ.
1. તમારા હાડકાંની સંભાળ રાખો : મજબૂત હાડકાં એવી વસ્તુ છે જેને સ્ત્રીઓ શરૂઆતના વર્ષોમાં હળવાશથી લે છે અને તેથી પાછળના વર્ષોમાં આપણી આ બેદરકારીને કારણે પીડાતા રહીએ છીએ. તેથી હાડકાંની તંદુરસ્તી જાળવવા માટે સૌપ્રથમ બોન ડેન્સિટી ટેસ્ટ જરૂર કરાવો.
આ ઉપરાંત, તમારા દૈનિક આહારમાં પ્રોટીન, કેલ્શિયમ, વિટામીન-કે, મેગ્નેશિયમ અને ઝિંકથી ભરપૂર ખોરાકનો સમાવેશ કરો. વિટામિન ડી હાડકાના સ્વાસ્થ્ય માટે સૌથી મહત્વપૂર્ણ પોષક તત્વ છે કારણ કે તે કેલ્શિયમના અવશોષણમાં મદદ કરે છે. ગામડાના લોકો ખેતી કરતા હોવાથી તેમને જરૂરી સૂર્યપ્રકાશ મળતો રહે છે.
પરંતુ શહેરીજનોમાં અપૂરતા સૂર્યપ્રકાશને કારણે વિટામિન-ડીની ઉણપ જોવા મળે છે. તેથી તમારા ડૉક્ટરની સલાહ અનુસાર સમયસર તમારો બોન ડેંસિટી ટેસ્ટ કરાવો અને જો જરૂરી હોય તો સપ્લિમેન્ટ્સ લો. વિટામિન ડીના શ્રેષ્ઠ સ્ત્રોતોમાં ઈંડાની જરદી, લાલ માંસ અને ફોર્ટિફાઈડ ખોરાકનો સમાવેશ થાય છે.
આ સિવાય શરીરમાં મોટાભાગનું વિટામિન-ડી સીનું ઉત્પાદન સીધા સૂર્યપ્રકાશના સંપર્કમાં આવવાથી થાય છે. તમારા આહારમાં કેલ્શિયમના સારા સ્ત્રોતો જેમ કે દૂધ અને દૂધમાંથી બનતી વસ્તુઓ, નટ્સ અને તેલના બીજ, ઈંડા, માછલી, લીલા પાંદડાવાળા શાકભાજી, સોયાબીન વગેરેનો પણ સમાવેશ કરો.
2. ત્વચાની કાળજી લેવી તેને પ્રાથમિકતા બનાવો : શરીરમાં ત્વચા એ સૌથી મોટું અંગ છે અને તે તમારું સ્વાસ્થ્ય કેવું છે તે દર્શાવે છે. ગ્લોઈંગ સ્કિન માટે હેલ્ધી ડાયટ અને યોગ્ય જીવનશૈલી મહત્વપૂર્ણ છે કારણ કે 30 વર્ષની ઉંમર પછી વૃદ્ધત્વના અમુક સંકેતો ચામડી પર દેખાવા લાગે છે.
તમારી ત્વચાના પ્રકાર પ્રમાણે ક્લીંઝર, ટોનર અને મોઈશ્ચરાઈઝરનો ઉપયોગ કરો. સૂર્યમાં બહાર જતી વખતે સનસ્ક્રીન લગાવવાનું ભૂલશો નહીં કારણ કે યુવી કિરણોથી ત્વચા પર વૃદ્ધત્વના સંકેતો જલ્દી દેખાય છે. મેકઅપ કરેલો હોય તો સીધા પથારીમાં સુવા ના જાઓ.
પહેલા તમારા ચહેરાને ધોવાની અને મોઇશ્ચરાઇઝ કરવાની ટેવ પાડો. જો તમે અંદરથી સ્વસ્થ નથી તો કોઈ બાહ્ય પરિબળો મદદ કરી શકતા નથી. તમે જેટલા વધુ હેલ્ધી ફૂડ્સ ખાશો એટલી જ તમારી ત્વચા સારી દેખાશે. તેથી સારી ત્વચા માટેનું પ્રથમ પગલું યોગ્ય હાઇડ્રેશન છે એટલે દરરોજ 8-10 ગ્લાસ પાણી પીવો.
બીજું પગલું એ ધ્યાનમાં રાખવું કે તમે દરરોજ વિવિધ પ્રકારના ફળો અને અલગ અલગ રંગોના શાકભાજી ખાઓ. આ ઉપરાંત પૂરતા પ્રમાણમાં કાર્બોહાઇડ્રેટ્સ, પ્રોટીન અને હેલ્દી ચરબી પણ મહત્વપૂર્ણ છે. ખૂબ જ ઓછી કેલરીવાળો ખોરાક લેવાથી પણ ત્વચા પર વિપરીત અસરો થાય છે.
3. એક્ટિવ રહેવાનો પ્રયાસ કરો : WHO મુજબ વજન નિયંત્રણ, ફિટનેસ, માનસિક સ્વાસ્થ્ય અને હૃદયના સ્વાસ્થ્ય માટે નિયમિત શારીરિક પ્રવૃત્તિ કરવી ખુબ જ જરૂરી છે. એરોબિક વ્યાયામ એટલે ઝડપથી ચાલવું, તમે દર અઠવાડિયે ઓછામાં ઓછી 150 મિનિટથી 300 મિનિટની મધ્યમથી ઝડપી ચાલવું વગેરેને તમારી ફિટનેસ રૂટિનમાં સામેલ કરો.
અઠવાડિયામાં 2 અથવા વધુ દિવસ મસલ્સને મજબૂત બનાવતી પ્રવૃત્તિઓ જરૂર કરો જે તમારા બધા સ્નાયુઓ જેમ કે પગ, હિપ્સ, પેટ, પીઠ, છાતી, ખભા અને હાથ કામ કરે છે.
નિષ્ણાતો દ્વારા જણાવવામાં આવેલી આ 3 અસરકારક ટિપ્સ તમને 30 વર્ષની ઉંમર પછી પણ પોતાને ફિટ અને યુવાન રાખી શકે છે. જો તમને આ માહિતી ગમી હોય તો આવી જ ફિટનેસ સંબંધિત માહિતી મેળવવા માટે રસોઈનીદુનિયા સાથે જોડાયેલા રહો.
