આજના સમયમાં દરેક માતા – પિતા પોતાના બાળક ની ખુબજ કાળજી લેતા હોય છે. દરેક માતા- પિતા ઇચ્છતા હોય છે કે પોતાનું બાળક બીજા બાળક કરતા વધુ હોશિયાર હોય અને એમાં પણ બાળકની માતા પોતાના બાળક માટે કઈ પણ કરવા તૈયાર હોય છે.
તમે રોજ ટીવીમાં સાંભળતા હશો કે “યાદ રહેશે તો જ આગળ વધશે”. આ રીતની કેટલીક પંચલાઈન તમે ટીવીમાં આવતા જુદા જુદા વિજ્ઞાપનમાં સાંભળતા હશો. તમને જણાવીએ કે આ પ્રકારની પંચલાઇન બાળકોમાં મેમરી પાવર વધારનાર બાળકો માટેના એનર્જી પાવર ડ્રિન્કના વિજ્ઞાપનની હોય છે.
ઘણા માતા પિતા આ વિજ્ઞાપન સાંભળીને તેને ખરીદી લેતા હશે પરંતુ શું આ એનર્જી ડ્રિન્ક ખરા અર્થમાં કામ કરતા હોય છે? તમારો જવાબ હશે ના, આ પ્રશ્નનો જવાબ ખરા અર્થમાં કોઇ પાસે હોતો નથી ત્યારે જો તમે તમારા બાળકનો મેમરી પાવર સાચા અર્થમાં વધારવા માંગતા હોય તો પ્રોપર ડાયટની સાથે સાથે તમારે અહીંયા જણાવેલી કેટલીક વસ્તુઓ પણ કરવી પડે છે. તો ચાલો જાણીએ.
તમારા બાળકને મગજની કસરત કરાવો: બાળકની યાદશક્તિ વધારવા માટે દરેક માતા-પિતા તેના ડાયટ પર વધુ ધ્યાન આપે છે પરંતુ તમારા બાળક માટે આટલું પુરતું નથી. જો તમે ખરા અર્થમાં તમારા બાળકની યાદશક્તિ વધારવા માંગતા હોય તો તેમના મગજની કસરત કરાવો.
ઉદાહરણ તરીકે બાળકોને તમે જ્યારે પણ ફરવા લઇ જાવ ત્યારે બાળકને એ જગ્યા અંગેનું પુરતી જાણકારી આપો, ત્યારબાદ બીજે દિવસે બાળકને એ જ સ્થળના સંદર્ભે સવાલ કરો. આમ કરવાથી તમારા બાળકની યાદશક્તિના વધારો થાય છે.
બાળકને રમતો દ્રારા મગજ કસાવો: દરેક બાળકને રમત રમવી ખુબજ જ ગમે છે. લેફ્ટ- રાઇટ ગેઈમ્સ બાળકના મગજની કસરત કરાવવા માટે ખૂબ જ કારગર સાબિત થાય છે. તમારા બાળકને થોડા રમકડાં આપી દો અને આ રમકડાને લેફ્ટ-રાઇટ સાઇડ કરવાનું બાળકને કહો.
આમ કરવાથી બાળકના બ્રેઇનની સારી એવી કસરત થશે. આ રીતની એકસરસાઈઝ કરવાથી બાળકનું માઇન્ડ એ સમય દરમિયાન એલર્ટ રહેશે અને મેમરી પાવર પણ વધશે.
શબ્દ-નંબરનો ખેલ: તમે જાણતા હશો કે ભાષામાં સ્વર અને વ્યંજન એવા બે પ્રકારના અક્ષર હોય છે. હવે તમારા બાળકને સ્વર અને વ્યંજન અક્ષરની સાથે જોડાયેલી રમત રમાડો. આ માટે પેપર પર એક બોક્સ બનાવો અને તેમાં અગ્રેજીના એટલાક અક્ષરો લખો.
બાળકને આ અક્ષરમાંથી કેટલાક અક્ષર પર ટિક કરવાનું કહો. આવી આંકડા કે શબ્દની રમત રમાડવાથી બાળકને આંકડાકીય અને ભાષાના અક્ષરોનું બંનેનું જ્ઞાન પણ વધશે અને સાથે-સાથે તેના બ્રેઇનને એક્સરસાઈઝ પણ મળશે.
બાળકને ઘરના કામ દ્રારા શીખવો: તમને પહેલા તો નવાઈ લાગશે કે ઘરના કામ દ્વારા બાળકના બ્રેઇનની એક્સરસાઈઝ કઈ રીતે કરી શકાય છે. તો તમને જણાવીએ કે તમે બાળકને તેમના રમકડાં બેડ રૂમના અમુક ડ્રોવરમાં મૂકવાનું કહો અને તે રમકડાં મૂકે છે તે યાદ રાખવાનું કહો. બીજે દિવસે તેણે મૂકેલા રમકડાં ત્યાંથી લાવવાનું કહો.
તમને આ વસ્તુ નાની લાગશે પરંતુ આ રીતે બાળકને નાના-નાના કામ સોંપીને પણ તેમના મગજને કસી શકાય છે. આ રીતે તમારા બાળકની યાદશક્તિનો ટેસ્ટ પણ થઇ જશે અને તેના મગજની એક્સરસાઈઝ પણ થઈ જશે અને તમારા બાળકને પણ પસંદ આવશે.
