તમે તમારા સ્વાસ્થ્ય પ્રત્યે ગમે તેટલી કાળજી લો, પણ જ્યારે ભારતીય તહેવારો પર બનાવવામાં આવેલી વાનગીઓ અને મીઠાઈઓની વાત આવે છે ત્યારે વ્યક્તિને પોતાની જાત પર નિયંત્રણ નથી તાખી શકતો. જો કે મીઠાઈ અને તળેલો ખોરાક સ્વાસ્થ્ય માટે સારો નથી, પરંતુ તેન વગર તહેવારો જ ફીકા પડી જાય છે.
મોટાભાગના લોકો જાણે છે કે દેશી ઘીથી બનાવેલી વાનગીઓ અને ખાંડની ચાસણીમાં પલાળેલી વાનગીઓ પાચનતંત્રને અસર કરે છે. આમ છતાં મીઠાઈનું નામ સાંભળતા જ મોઢામાં પાણી આવી જવું સામાન્ય છે.
પરિણામ એ આવે છે કે તહેવારો પછી તમારું વજન તો વધે જ છે, તમારું સ્વાસ્થ્ય પણ બગડે છે. આવી સ્થિતિમાં, જો સમય-સમય પર શરીરને ઘણી રીતે ડિટોક્સ કરવામાં આવે છે તો તમે પહેલા કરતા વધુ એક્ટિવ રહી શકો છો, તો આવો જાણીએ કે તહેવાર પછી પોતાને ડિટોક્સ કરવાની સાચી રીત.
ડિટોક્સ કરવાની સાચી રીત : લોકો પોતાને ડિટોક્સ કરવા માટે સલાડ જ ખાવા લાગે છે જે બિલકુલ ખોટું છે. જો તમે તમારા શરીરને સારી રીતે ડિટોક્સ કરવા માંગતા હોય તો સૌથી પહેલા તમારા આહારમાંથી સ્મૂધી અને સ્ટાર્ચને દૂર કરો. એક જગ્યાએ બેસીને ખાઓ અને ઝડપથી ખાવાને બદલે ધીમે ધીમે ખાઓ.
રાત્રિભોજન પછી ચાલવાની ટેવ પાડો : પ્રયત્ન કરો કે 7-8 વાગ્યા સુધીમાં રાત્રિભોજન કરો. જમ્યા પછી 1000 ડગલાં ચાલવાની આદત બનાવો, તમારા ખોરાકને સારી રીતે શાંતિથી ચાવીને ખાઓ.
વૉકિંગ : ઓછામાં ઓછા 45 મિનિટ બ્રિસ્ક વૉકનો સમાવેશ કરો કારણ કે વૉકિંગ એ લિવર માટે શ્રેષ્ઠ કસરતોમાંથી એક કસરત માનવામાં આવે છે.
સલાડ : તહેવારો પછી ડિટોક્સિંગ માટે સલાડ શ્રેષ્ઠ વિકલ્પ છે .તમારા બાઉલમાં બીટ, સફરજન, કાકડી, દાડમ, ટામેટા જેવી વસ્તુઓ ઉમેરો. તેમાં લીંબુનો રસ, સેંધા મીઠું ઉમેરીને તેનું સેવન કરવાથી તમારા શરીરને પોષક તત્વો પણ મળશે અને ડિટોક્સ પણ થશે.
ડિટોક્સ વોટર : ડીટોક્સ વોટર માત્ર શરીરમાંથી ઝેરી તત્વોને દૂર કરતું નથી પરંતુ તમારા મેટાબોલિઝમને પણ સુધારે છે અને વજન ઓછું કરી શકે છે. આ માટે, કાકડી અને લીંબુના ટુકડાને પાણીની બોટલમાં મૂકો અને 6 થી 7 કલાક રહેવા દો. પછી આખો દિવસ તે પાણીને પીવો.
પહેલા જેવી ફિટનેસ મેળવવા માટે શું કરવું : ઘણા લોકો પોતાની જૂની ફિટનેસ મેળવવા માટે ઘણી વખત વધુ કસરત કરવાનું શરૂ કરી દે છે અથવા અચાનક ખાવાનું બંધ કરી દે છે, પરંતુ આ બંને વસ્તુઓ તમારા સ્વાસ્થ્યને ફાયદાની જગ્યાએ નુકસાન પહોંચાડી શકે છે. આવું કરવું બિલકુલ ખોટું છે.
તેનાથી પેટ પર દબાણ પડે છે. ધ્યાન રાખો કે જ્યારે પણ કસરત કરો ત્યારે તમારા પેટ પર વધારે ભાર ન આપો. તમારે કસરતમાં સૂર્ય નમસ્કાર જરૂર કરવા જોઈએ. કસરત દરમિયાન, 20 મિનિટના અંતરાલ પર કંઈક પણ ખાવાનું રાખો, પાણીનું પ્રમાણ ઘટવા ન દો. વધુ પાણી ડિટોક્સ કરવાની સારી રીત છે.