ઉનાળો શરૂ થઈ ગયો છે અને ગરમી પણ વધી રહી છે. જો જોવામાં આવે તો સામાન્ય રીતે આ ઋતુમાં શરીરમાં ઘણી સમસ્યાઓ થાય છે જેમ કે ડિહાઇડ્રેશન, સનબર્ન, ફોલ્લીઓ, લૂ વગેરે, પરંતુ આ બધી સમસ્યામાંની એક છે શરીરની દુર્ગંધની સમસ્યા.
ઘણા લોકોને આ પરસેવાની દુર્ગંધની સમસ્યા હોય છે અને કેટલાક લોકો માટે તે એટલું ખતરનાક હોય છે કે જો તેઓ બાજુમાં આવીને બેસી જાય તો પણ તમને તકલીફ થવા લાગે છે. જે લોકો વધુ તીખું ખાય છે અને મોટાપાનો શિકાર છે, કોઈ હોર્મોનલ સમસ્યા છે અથવા આનુવંશિકતાના કારણે આ સમસ્યાથી પીડાય છે તે લોકોને આ સમસ્યા વધુ થાય છે.
શરીરમાં પરસેવાની દુર્ગંધને કારણે ઘણા લોકો ચિંતામાં આવી જાય છે અને વિવિધ પ્રકારના પાવડર લગાવે છે, પરંતુ આ દુર્ગંધ દૂર થતી નથી. ક્યારેક તે એટલી હદે વધી જાય છે કે પગ, પ્રાઈવેટ પાર્ટ, અંડરઆર્મ્સ, કાન, નાભિ, સ્કેલ્પ વગેરેમાંથી પણ આવવા લાગે છે.
તમે આ સમસ્યા આટલી વધે તેની રાહ ના જુઓ અને તમે કેટલીક ટિપ્સ અજમાવીને તેનાથી છુટકારો મેળવી શકો છો. આ લેખમાં અમે તમારી સાથે આ સમસ્યાથી છુટકારો મેળવવાના કેટલાક ઉપાયો શેર કર્યા છે. જાણો શું છે આ ટિપ્સ.
શરીરની દુર્ગંધ આ ટિપ્સથી ઓછી થઇ શકે છે. શરીરની દુર્ગંધ ઘણા લોકો માટે એક મોટી સમસ્યા છે અને કારણ કે તેની કોઈ દવા નથી હોતી, તેથી તમારે કેટલીક લાઇફસ્ટાઈલ ટિપ્સથી તેને ઓછી કરવી પડશે.
1. એવો ખોરાક ખાવો જેની દુર્ગંધ ઓછી હોય : જો તમે એવો ખોરાક ખાઓ છો કે જેમાં ખૂબ જ સુગંધ અથવા ગંધ હોય તો તે શરીરની ગંધને વધારી શકે છે. ઉદાહરણ, જો તમે તમારા આહારમાં માછલી, મેથી, લસણ, ડુંગળી, મસાલા વગેરે વધારે ખાઓ છો તો તમારા પરસેવાની ગંધ વધુ તીવ્ર બનશે અને પગમાંથી પણ ગંદી વાસ આવશે.
2. પાણી જરૂર પીવો જેથી શરીર હાઇડ્રેટેડ રહે : પાણીની ઉણપ તમને ઘણી બધી સમસ્યા તરફ દોરી શકે છે. જો તમે દિવસ દરમિયાન પૂરતું પાણી પીતા નથી તો તેનાથી શરીર ગરમ થશે અને વધુ પરસેવો નીકળશે. આપનો પરસેવો જ્યારે ડિહાઇડ્રેટેડ હોય ત્યારે પરસેવાની ગંધ વધારે આવે છે.
3. કોથમીર-ફૂદીનાનું પીણું : સામગ્રી– 1/2 કપ કોથમીર, 1/2 કપ ફુદીનો, કાળું મીઠું, લીંબુ અને પાણી જરૂર મુજબ. આ માટે લીંબુનો રસ કાઢીને દરેક વસ્તુને એકસાથે બ્લેન્ડ કરો અને તેને રોજ તમારી ડાયટમાં સમાવેશ કરો. આ પીણું તમારા શરીરની દુર્ગંધની સમસ્યાને ઘણી હદ સુધી ઓછી કરશે.
4. ખાવાનો સોડા : ખાવામાં વપરાતો ખાવાનો સોડા પણ શરીરમાંથી આવતી પરસેવાની દુર્ગંધને દૂર કરવામાં મદદ કરે છે. બેકિંગ સોડા અને પાણીની એક પેસ્ટ બનાવો અને તેને તમારી બગલ પર લગાવો.
5. બટેટા અને ફટકડી વડે દુર્ગંધ સામે લડો : બટાકાની સ્લાઈસ કાપીને તેને દુર્ગંધવાળી ત્વચા પર ઘસો. થોડા દિવસો સુધી આમ કરવાથી પરસેવાની દુર્ગંધ દૂર કરી શકાય છે. આ સિવાય ફટકડીનો ઉપયોગ કરી શકો છો. તમે તમારા નહાવાના પાણીમાં 1 ચમચી ફટકડી અને થોડા ફુદીનાના પાનને વાટીને મિક્સ કરીને સ્નાન કરી શકો છો.
6. તમારી લાઇફસ્ટાઇલ ટીપ્સ જે શરીરની ગંધ ઘટાડવામાં મદદ કરશે : દરરોજ સ્નાન કરો. આહારમાં તાજા ફળો ખાઓ. તમારા પગને સારી રીતે ધોઈ લો અને ઉનાળામાં એક દિવસથી વધુ એક જ મોજાં ન પહેરો. વધારે મસાલેદાર અને તીખું ખાવાથી દૂર રહો. ઉનાળામાં, એવા કપડાં પહેરો જેનાથી ત્વચા શ્વાસ લઈ શકે, જેમ કે કોટન અને ફાઇબર્સ.
ઉપર જણાવેલી બધી ટિપ્સથી શરીરની દુર્ગંધની સમસ્યાને ઘણી હદ સુધી ઓછી કરી શકાય છે. જો તમને આ માહિતી ગમી હોય તો બીજા ફ્રેન્ડ્સ ને પણ જણાવો. આવી વધુ માહિતી વાંચવા માટે રસોઈનીદુનિયા સાથે જોડાયેલા રહો.
