ચટણી આપણા જમવાનો સ્વાદ અનેક ગણો વધારે છે. જો કે લોકો દરેક ઋતુમાં ચટણી ખાતા હોય છે, પરંતુ ઠંડીમાં ચટણી વધારે ખાવામાં આવે છે. વાસ્તવમાં, આ સિઝનમાં જ્યાં પરાઠાથી લઈને ભજીયા સુધી ઘરે વધારે બનાવવામાં આવે છે, તો બીજી તરફ લીલી જોઠમીર પણ બજારમાં ખૂબ જ સસ્તી મળે છે, જેના કારણે લોકો દરરોજ ચટણી બનાવતા હોય છે.
શક્ય છે કે ઠંડીની ઋતુમાં તમે કોથમીરની ચટણી વારંવાર બનાવીને ખાતા હશો, પરંતુ શું તમે પાલકના પત્તાની ચટણી બનાવીને ખાધી છે? તો આજે આ લેખમાં અમે તમને શિયાળામાં બનતી પાલકની ચટણી બનાવવાની રીત જોઈશું.
પાલકના પાનમાંથી બનાવેલી ચટણી ખૂબ જ સ્વાદિષ્ટ અને પૌષ્ટિક ચટણી બનાવી શકાય છે. તમે તેમાં વિવિધ મસાલા ઉમેરીને તેના સ્વાદમાં અનેક ઘણો વધારો કરી શકો છો. તો આવો જાણીએ કઈ સામગ્રીની જરૂર પડશે.
સામગ્રી :
- 1 કપ સમારેલા પાલકના પાન
- 1 ચમચી આમલીની પેસ્ટ
- 1/4 ચમચી જીરું
- 1/4 ચમચી મેથીના દાણા
- 1/4 ચમચી ધાણા પાવડર
- 4 થી 5 ચમચી તલ
- 2 લીલા મરચા, 3 લસણની કળી
- 1/2 ચમચી ગોળ પાવડર
- 2 ચમચી તેલ
- સ્વાદ માટે મીઠું
- 1/4 ચમચી હળદર પાવડર
તડકા માટેની સામગ્રી :
- 1 નાની ચમચી તેલ
- 1/4 નાની ચમચી જીરું
- રાઈના દાણા
- 1 લાલ મરચું
- એક ચપટી હીંગ
ચટણી બનાવવાની રીત :
સૌથી પહેલા પાલકના પાનને ધોઈને સાફ કરી લો અને તેને કાપીને બાજુ પર રાખો. હવે એક પેન લો અને ગરમ કરો. તમે પહેલા તલને તેમાં શેકીને તેને બહાર કાઢી લો. હવે જીરું અને મેથીના દાણાને પણ સૂકા જ શેકી લો.
હવે પેનમાં એક ચમચી તેલ ઉમેરો અને લીલા મરચાને તળીને બહાર કાઢી લો. આ જ પેનમાં બીજી ચમચી તેલ ઉમેરો અને સમારેલા પાલકના પાન ઉમેરો. પાલકના પાનને મધ્યમ આંચ પર 4 થી 5 મિનિટ સુધી ચડવા દો. તે કરમાઈને પાણી છોડવા લાગશે.
હવે એક મિક્સર જારમાં તલ, તળેલા લીલા મરચાં, લસણની કળી, ગોળનો પાવડર, ધાણાજીરું પાવડર, શેકેલી મેથી અને જીરું, હળદર પાવડર અને મીઠું નાખો. હવે સામગ્રીનો મોટો પાવડર બનાવો.
આ તલના પાવડરમાં પલાળેલી આમલી સાથે થોડું પાણી મિક્સ કરો. હવે પાલકના પાનને મિક્સર જારમાં નાંખો અને તેની બરછટ પેસ્ટ બનાવી તેમાં આ તલ અને આમલીના પાણીના મિશ્રણ સાથે મિક્સ કરો.
હવે પેનને ફરીથી ગરમ કરો અને તેમાં તેલ, રાઈ, જીરું, લાલ મરચું, હિંગ ઉમેરીને તડકો લગાવો.
પાલકની ચટણીને સર્વિંગ બાઉલમાં કાઢીને તેની ઉપર આ તડકો રેડો અને સર્વ કરો. તો તૈયાર છે પાલકની ચટણી.
