આપણા મૌખિક સ્વાસ્થ્યની કાળજી લેવી ખૂબ મહત્વપૂર્ણ છે અને જો આપણું મોંનું સ્વાસ્થ્ય બરાબર ના રહે તો તે પછીથી ઘણી બીમારીઓ તરફ દોરી જાય છે. અહીંયા માત્ર દાંત સાફ કરવાનું જ નહિ પરંતુ પેઢાની સફાઈ, જીભ અને મોઢામાં હાજર ગ્રંથિઓની સફાઈ અને તેમના સ્વાસ્થ્યનું ધ્યાન રાખવું જરૂરી છે. દરેક ઉંમરના લોકો માટે મોં ની કાળજી લેવી જરૂરી છે.
ગ્લોબલ બર્ડન ઑફ ડિસીઝ 2017ની સ્ટડી કહે છે કે વિશ્વભરમાં 3.5 અબજ લોકો મોઢાની સમસ્યાથી પીડાય છે. who ઘ્વારા પણ ઓરલ હેલ્થ માટે કેટલીક વિશિષ્ટ ટીપ્સ પણ આપેલી છે. આજે અમે તમને એવી જ કેટલીક ટિપ્સ વિશે જણાવીશું જે આપણા મોં ના સ્વાસ્થ્યને સુધારવા માટે જરૂરી છે.
1. ઓછી ખાંડવાળો ખોરાક ખાઓ અને જ્યુસ પીવો : WHO કહે છે કે તમારે તમારા આહારમાં શક્ય તેટલું ઓછો ખાંડવાળો ખાવો જોઈએ. આ દવાઓ માટે પણ લાગુ પડે છે. જો શક્ય હોય તો એવા કફ સિરપ પસંદ કરો કે જેમાં ખાંડનો ઉપયોગ ઓછો થતો હોય.
ખાંડ કોઈપણ રીતે અંદર જાય તો આપણા મોંનું સ્વાસ્થ્ય બગાડી શકે છે. આનાથી દાંતમાં પોલાણ થઈ શકે છે. એટલા માટે મહત્વનું છે કે આપણે ખાંડવાળો ખોરાક ઓછો ખાઈએ અને શક્ય હોય ત્યાં સુધી ફળોનો જ્યુસ પીવો કરીએ.
2. દિવસમાં 2 થી 3 વખત કોગળા કરો : તમારા મોંને સાફ રાખવા માટે તમે દિવસમાં 2 થી 3 વખત વાળ કોગળા કરી શકો છો. તમે તમારી સાથે સારો માઉથવોશ રાખી શકો છો અને જો તમારી પાસે માઉથવોશ ના હોય તો તમે હૂંફાળા પાણીમાં મીઠું ઉમેરીને કોગળા કરી શકો છો.
જો તમે ઈચ્છો તો તમે જાતે જ માઉથવોશ બનાવી શકો છો જેમાં કાળા મરી, આદુ, હળદર અને તુલસીના પાનનો સમાવેશ થાય છે. આ તમારા મોં માં થયેલા પોલાણને દૂર કરવામાં મદદ કરશે.
3. પાણીની ઉણપ ના થવા દો : માત્ર મોં ની સફાઈ માટે જ નહિ પરંતુ શરીરની ઘણી સમસ્યાઓને દૂર કરવા માટે તમારા શરીરને હાઇડ્રેટ રાખવું જરૂરી છે. તે સારું રહેશે કે તમે પાણી પીતા રહો જેથી મોં સુકાઈ ના જાય અને મોં ની અંદર પેઢા સાફ રહે.
પાણી પીવાથી દાંતની અંદર ફસાયેલા ખોરાકના કણો દૂર થાય છે અને સાથે જ પોલાણને દૂર કરવામાં અને શ્વાસની દુર્ગંધમાં મદદરૂપ થશે. તમે લીંબુ શરબત અથવા શાકભાજી અને ફળોનો રસ પી શકો છો.
4. આલ્કોહોલ અને ધૂમ્રપાનથી દૂર રહો : જો કે તમારે આનું સેવન ના કરવું જોઈએ, તેમ છતાં તમે કરો છો તો તેને થોડું ઓછું કરવું જોઈએ. મોં નું સ્વાસ્થ્ય બગડવામાં આ એક સૌથી મહત્વપૂર્ણ કારણ છે. આ બંદ કરવાથી તમારા મૌખિક સ્વાસ્થ્યમાં ઘણો સુધારો થઈ શકે છે.
5. ડાઇટનું ધ્યાન રાખો : આપણો ખોરાક જ આપણા મોં ના સ્વાસ્થ્ય માટે મહત્વની ભૂમિકા ભજવે છે. શરીરને પોષણ મળી રહે તે માટે યોગ્ય વિટામિન્સ અને મિનરલ્સનો સમાવેશ કરવો ખૂબ જરૂરી છે. જો તમે વધારે ચીકાશવાળો અને સ્ટાર્ચવાળો ખોરાક ખાઓ છો તો તે મૌખિક સ્વાસ્થ્યને અસર કરશે.
આ બધા સિવાય તમે કુદરતી ટૂથબ્રશનો ઉપયોગ કરવાનો પ્રયત્ન કરો, જેથી પ્લેક વગેરે સારી રીતે દૂર થઈ જાય. જો તમને આ જાણકારી ગમી હોય તો આવી વધુ જાણકારી મેળવવા માટે રસોઈનીદુનિયા સાથે જોડાયેલા રહો.
