શું તમારી ત્વચા ખરબચડી, શુષ્ક અથવા પરાંતવાળી છે? જો તમારો જવાબ હા છે તો મેથીના બીજનો ફેસ પેક પસંદ કરો. આ બીજ શુષ્કતા દૂર કરીને ત્વચાને પોષણ આપે છે અને મોઇશ્ચરાઇઝ કરે છે. જો તેનો નિયમિતપણે ઉપયોગ કરવામાં આવે તો તમારી ત્વચા અરીસાની જેમ ચમકવા લાગશે.
રસોઈમાં આપણે ઘણી વસ્તુઓ બનાવવા માટે મેથીના દાણાને તડકો લગાવવા માટે ઉપયોગ કરીએ છીએ. આ પીળા-ભૂરા બીજ તેના સ્વાદ અને શક્તિશાળી સુગંધથી ભરપૂર છે. આ બીજ સ્વાદિષ્ટ હોવાની સાથે કુદરતી રીતે ઘણા સ્વાસ્થ્ય લાભોથી ભરેલા છે જે તમારા શરીર માટે ઉત્તમ છે.
આપણે બધા જાણીયે છીએ કે મેથીના દાણા વાળ માટે ખૂબ ફાયદાકરાક છે. પરંતુ શું તમે જાણો છો કે મેથીના દાણા તમારી ત્વચા માટે પણ ખૂબ સારા છે. મેથીના દાણામાં વિટામિન A, C, K, B6 જેવા વિટામિન ભરપૂર માત્રામાં હોય છે અને તેને ચહેરા પર લગાવવાથી તમારી ત્વચા અરીસાની જેમ ચમકદાર બને છે.
તેને ચહેરા પર લગાવવાથી ત્વચા કોરિયન મહિલાઓ જેવી બની શકે છે. ગ્લોઈંગ સ્કિન માટે ક્લીન્સરની સાથે ટોનર તરીકે કામ કરવા સુધી, આ બીજના કુદરતી ફાયદા જેવું કંઈ નથી. તો હવે આગલી વખતે જ્યારે તમને એન્ટિ-એજિંગ પ્રોપર્ટીઝ અને એક્સ્ફોલિયેશન સાથે વધારાની ગ્લો આપવા માટે કંઈકની જરૂર હોય, ત્યારે આ ઉપાય અપનાવો.
મેથીના ફેસ પેકની સામગ્રી : મેથીના દાણા 1 ચમચી અને પાણી 1/2 કપ.
મેથીના ફેસ પેકની રીત : આ ફેસ પેક બનાવવા માટે મેથીના દાણાને આખી રાત પાણીમાં પલાળી રાખવાના છે અને સવારે તેને બરછટ પીસી લેવાના છે. હવે આ પેસ્ટને તમારા ચહેરા પર લગાવીને 15 મિનિટ માટે રહેવા દેવાની છે. પછી તમારા ચહેરાને 1 મિનિટ માટે ગોળાકાર ગતિમાં સ્ક્રબ કરવાનું છે. આ પછી ચહેરો ધોઈ લેવાનો છે અને તમને પસંદ હોય તે ટોનર લાગવાનું છે.
ત્વચા માટે મેથીના દાણાના ફાયદા : જે મહિલાઓને ખીલ થતા હોય તેમણે મેથીના દાણા અજમાવવા જોઈએ કારણ કે તે એન્ટી-બેક્ટેરિયલ ગુણોથી ભરપૂર હોય છે. મેથીના દાણામાં વિટામિન-સી હોવાથી ત્વચાના રંગને નિખારે છે અને તેને સુંદર ચમક આપે છે.
ત્વચા પર રહેલી ગંદકી, બેક્ટેરિયા અને મૃત ત્વચાના કોષો ત્વચા પરના ડાર્ક સ્પોટ પાછળનું મુખ્ય કારણ છે. મેથીના દાણામાં વિટામિન-કે અને વિટામિન-સી હોય છે જે ત્વચાના ડાઘ અને ધબ્બાઓને અને ડાર્ક સર્કલને ઘટાડવામાં મદદ કરે છે.
આ નાના સોનેરી બીજ સંયોજનોથી ભરેલા છે જે તમારી ત્વચાને સુંદર, જુવાન અને કરચલી મુક્ત રાખવામાં મદદ કરે છે. તેઓ મુક્ત રેડિકલને મારી નાખે છે જે ત્વચા પર કરચલીઓ અને શ્યામ ફોલ્લીઓનું થવાનું કારણ છે.
તમે પણ આ મેથીના ફેસ પેકનો ઉપયોગ કરીને તમારી ત્વચાને અરીસાની જેમ ચમકદાર બનાવી શકો છો. જો કે, તે સંપૂર્ણપણે કુદરતી ઉપાય છે અને તેની કોઈ આડઅસર નથી. પરંતુ તેનો ઉપયોગ કરતા પહેલા એકવાર પેચ ટેસ્ટ કરી લો. બ્યુટી સંબંધિત આવી વધુ માહિતી મેળવવા માટે રસોઈનીદુનિયા સાથે જોડાયેલા રહો.
