Tuesday, September 27, 2022
Homeસ્વાસ્થ્યમાથાના દુખાવામાંથી તરત જ રાહત મેળવવા માટે કરી લો આ કુદરતી ઘરેલુ...

માથાના દુખાવામાંથી તરત જ રાહત મેળવવા માટે કરી લો આ કુદરતી ઘરેલુ ઉપાય

આપણે બધાને જીવનમાં કોઈને કોઈ સમયે માથાનો દુખાવો થયો જ હશે. આ એક સામાન્ય લક્ષણ છે. જ્યારે કેટલાક લોકોને થોડી વાર પછી દૂર થઇ જાય છે, અને ઘણા લોકોને તે કાયમી માટે રહે છે. જો કે, માથાનો દુખાવો એ કોઈ રોગ નથી. આ માત્ર એક લક્ષણ છે અને તેની પાછળ અલગ અલગ કારણો હોઈ શકે છે.

માથાનો દુખાવો થવાના સામાન્ય કારણો : અનિદ્રા, હાઈ બ્લડ પ્રેશર, આંખની નબળાઇ, સાઇનસાઇટિસ, એનિમિયા, ઊંઘનો અભાવ, યોગ્ય આરામનો અભાવ અને થાક વગેરે વગેરે.

આપણી ખરાબ જીવનશૈલી : માથાના દુખાવા પાછળના આ કેટલાક સામાન્ય કારણો છે. જો માથાનો દુખાવો ચાલુ રહે છે તો તે અંતર્ગત સ્વાસ્થ્ય સમસ્યાને કારણે હોઈ શકે છે અને કોઈપણ ગંભીર સ્વાસ્થ્ય સમસ્યાઓથી બચવા માટે તરત જ ડૉક્ટરનો સંપર્ક કરવો જોઈએ.

આ લેખમાં અમે તમને સામાન્ય માથાના દુખાવા માટેના કેટલાક કુદરતી ઘરેલું ઉપચારો વિષે જણાવીશું. આવો અમને આ વિશે વિગતવાર જણાવીએ. પરંતુ તે પહેલા આપણે જીવનશૈલીમાં થતા ફેરફારો વિશે જાણીએ.

4

જીવનશૈલીમાં ફેરફાર : લાઈફસ્ટાઇલની આદતો તમારા સ્વાસ્થ્યને અસર કરવામાં મહત્વપૂર્ણ ભૂમિકા ભજવે છે. માથાનો દુખાવો અટકાવવા માટે તમારી જીવનશૈલીમાં કેટલાક ફેરફારો કરવા જોઈએ. જેમ કે, તમારે દરરોજ રાત્રે ઓછામાં ઓછી 7-8 કલાકની સારી ઊંઘ લેવી જોઈએ.

સૂતા પહેલા ચહેરો ધોઈ લેવો જોઈએ. સારી ઊંઘ માટે, સૂવાના ઓછામાં ઓછા એક કલાક પહેલાં કોઈપણ ઇલેક્ટ્રોનિક ગેજેટથી (મોબાઈલ, લેપટોપ) દૂર રહો. રાત્રે મોબાઈલ ફોન કે લેપટોપ માથાની નજીક ના રાખો જેથી ફોનની રીંગ વાગવાથી કોઈપણ પ્રકારની તકલીફ અને રેડિયેશનની હાનિકારક અસરોથી પણ બચી શકાય.

શાંતિપૂર્ણ ઊંઘ માટે મેડિટેશન કરવાનો પ્રયાસ કરો. ‘અનુલોમ વિલોમ’ અને ‘બ્રહ્મરી પ્રાણાયામ’ જેવી શ્વાસ લેવાની કસરત લાંબા ગાળે માઈગ્રેનથી રાહત અપાવવામાં ખૂબ મદદરૂપ થાય છે.

હાઇડ્રેટેડ રહો : માથાનો દુખાવો ઘટાડવા માટે પોતાને હાઇડ્રેટેડ રાખવું ખૂબ જ મહત્વપૂર્ણ છે. કેફીનયુક્ત પીણાંને બદલે, તમારે તમારા આહારમાં પાણી અને તાજા ફળોના રસ જેવા કે દાડમ, મોસંબી વગેરેનો સમાવેશ કરવો જોઈએ.

સારું ખાઓ : પાલકમાં ફોલિક એસિડ અને વિટામિન-બી ભરપૂર માત્રામાં હોય છે, જે માઈગ્રેનને દૂર કરવામાં મદદ કરે છે. કેળા, પપૈયા, સફરજન, ખાટાં ફળ ખાવાથી તમારા મગજની નર્વસ સર્કિટને શાંત કરવામાં મદદ મળે છે અને પીડામાં રાહત મળે છે.

અજમો : સામાન્ય શરદી કે આધાશીશીને કારણે થતા માથાના દુખાવા માટે એક નાના કોટનના કપડામાં થોડો અજમો અથવા અજમાનો પાવડરને લપેટીને ‘પોટલી’ બનાવો. રાહત મેળવવા માટે તેને વારંવાર સુંઘતા રહો.

લીંબુની છાલ : 2-3 લીંબુની છાલ લો અને તેને પીસીને પેસ્ટ બનાવો અને તમારા કપાળ પર લગાવો. લીંબુની સુગંધ તમારી ઇન્દ્રિયોને શાંત કરે છે અને દુખાવાને શાંત કરે છે. તે ધબકારાથી પણ રાહત આપે છે.

લીમડાના પાનનો પાવડર પણ માતહના દુખાવા માટે અસરકારક છે. વારંવાર માથાનો દુખાવો થતો હોય તો લીમડાના પાનનું 1 ચમચી પાવડર સવારે પાણી સાથે લેવું જોઈએ. આ સિવાય,10-12 કાળા મરીના દાણા અને ચોખાના 10-12 દાણાને પાણીમાં પીસીને પેસ્ટ બનાવીને, માથાના અસરગ્રસ્ત ભાગ પર 15-20 મિનિટ લગાવો.

ભીની આંખના પેક : આંખો પર ભીનું પેક લગાવવાથી માથાના દુખાવાની સાથે આંખના તાણમાં તરત રાહત મળે છે. સુતરાઉ કાપડની પટ્ટીને પાણીમાં ડુબાડીને (રૂમના તાપમાને), તેને સારી રીતે નીચોવી લો (તે ટપકવું જોઈએ નહીં) અને તેને તમારી આંખો પર મૂકો.

રિલેક્સ કરો. 3-5 મિનિટ પછી ભીનો પેકને ફરીથી બદલો. ઓછામાં ઓછા 20-30 મિનિટ માટે આ ઉપાય કરો. જ્યારે આ ઘરેલું ઉપચાર અસરકારક છે, પરંતુ જો તમે અમુક દવાઓ લઈ રહ્યા છો અથવા કોઈ સ્વાસ્થ્ય સારવાર લઈ રહ્યા છો, તો તમે આમાંથી કોઈપણને ઉપાયને અનુસરતા પહેલા ડોક્ટરની સલાહ લો. આવી જ વધુ માહિતી મેળવવા માટે રસોઈનીદુનિયા સાથે જોડાયેલા રહો.

રસોઇ ની દુનિયા
રસોઇ ની દુનિયા
ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા
RELATED ARTICLES
- Advertisment -

Most Popular

- Advertisment -
x