એક દંપતી બાળકના જન્મ પછી માતા-પિતા બને છે અને તેની સાથે તેમની જવાબદારીઓ પણ પહેલા કરતા વધી જાય છે. બાળકનો જન્મ થાય ત્યારથી જ માતા-પિતા તેની આંખોમાં તેના ઉજ્જવળ ભવિષ્યનું સ્વપ્ન જોવા લાગી જાય છે. તમે કેટલાક માતા-પિતા પાસેથી એવું પણ સાંભળ્યું હશે કે મારું બાળક મોટું થઈને ડૉક્ટર કે એન્જિનિયર કે પાયલટ બનશે.
આ ચોક્કસપણે શ્રેષ્ઠ કારકિર્દી વિકલ્પો છે અને આ કારકિર્દીના માર્ગો પર બાળક માટે ઉજ્જવળ ભવિષ્યની ઇચ્છા કરી શકાય છે. પરંતુ એવું જરૂરી નથી કે બાળક જ્યારે મોટું થાય ત્યારે તે હંમેશા એવું જ ઈચ્છે જે તમે તેના માટે પહેલેથી પ્લાન કર્યું છે.
એવું પણ બની શકે છે કે તે તેના ભવિષ્ય વિશે મૂંઝવણમાં હોય અને તેના માટે તે સમજવું મુશ્કેલ છે કે તે પોતાના માટે શું ઇચ્છે છે. આ સ્થિતિમાં માતાપિતાની ભૂમિકા મહત્વપૂર્ણ બની જાય છે. આ ખૂબ જ મુશ્કેલ સમય હોય છે અને જો તે સમયે સારો કારકિર્દીનો વિકલ્પ પસંદ કરવામાં આવે તો બાળકો તેમના જીવનમાં સફળ થાય છે અને તે સુખી જીવન જીવે છે.
તો આજે આ લેખમાં અમે તમને જણાવીશું કે કેવી રીતે માતા-પિતા બાળકને સારી કારકિર્દીનો માર્ગ પસંદ કરવામાં મદદ કરી શકે છે.
1. તમારા સપના બાળક પર લાદશો નહીં : જો તમે ખરેખર ઇચ્છો છો કે તમારું બાળક જીવનમાં સુખી અને સફળ જીવન જીવે તો તમે ક્યારેય પણ તમારા સપના બાળકો પર થોપશો નહીં. યાદ રાખો કે તમારું બાળક એક ખાસ વ્યક્તિ છે, તેથી તેને જે રસ્તો જોઈએ તે પસંદ કરવા દો.
ક્યારેય બાળક પર કોઈ ચોક્કસ કારકિર્દી પસંદ કરવા માટે દબાણ કરશો નહીં. તેના બદલે, તેમને નિર્ણય લેવામાં મદદ કરવા માટે તમે કેટલાક વિકલ્પો આપશો તે વધુ સારું રહેશે, જેથી તેઓ પોતાની જાતે જ શોધી અને જાણી શકે.
2. તમની પેશન શું છે તે શોધો : સારી રકિર્દી પસંદ કરવા માટે, તે મહત્વનું છે કે તમે સૌ પ્રથમ તેમને તેમના પેસનને જાતે જ શોધવાનો મોકો આપો. જો તમને લાગે કે તેમને તેમની કારકિર્દીનો માર્ગ શારીરિક અથવા માનસિક મજબૂતાઈથી પસંદ નથી કર્યો, તો તમે તેમને સંપૂર્ણપણે નકારશો નહીં.
તેમને વિવિધ વસ્તુઓનો પરિચય આપીને તેમની શક્તિઓનું ખબર પડવા દો. માતા-પિતા તરીકે, તમારે તેઓને પોતાના માટે પસંદ કરેલ નિર્ણય પર મદદ કરવી જોઈએ. એકવાર જો તેઓ તેમની પેસનને સમજી જશે તો તેમના માટે સારી કારકિર્દી પસંદ કરવામાં પણ મદદ મળશે.
3. કરિયર કાઉન્સેલરની મદદ લો : જ્યારે તમે જાતે કંઈક નક્કી કરી શકતા નથી ત્યારે બીજાનો અભિપ્રાય લેવો હંમેશા સારું સાબિત થાય છે. કારણ કે કારકિર્દી સલાહકારો એવા વ્યાવસાયિકો છે જેઓ તમને સાચા માર્ગ પર માર્ગદર્શન આપવા માટે પ્રશિક્ષિત હોય છે, તેમની સાથે વાત કરવાથી તમારા બાળકની કારકિર્દીની આકાંક્ષાઓને પરિપૂર્ણ કરવામાં મદદ મળી શકે છે.
જ્યારે તમે અને બાળક યોગ્ય કારકિર્દીનો માર્ગ કયો છે તે નક્કી કરી શકતા નથી ત્યારે આ કરિયર કાઉન્સેલર તમારી મદદ કરવા માટે આગળ હોય છે. જો તમને આ લેખ ગમ્યો હોય તો રસોઈનીદુનિયા સાથે જોડાયેલા રહો.
