આપણને બધાને હેડકી આવે છે અને તે સામાન્ય છે. જો કે તે સામાન્ય રીતે થોડીવાર બંધ થઈ જાય છે પરંતુ કેટલીકવાર જો સતત હેડકી આવવાથી બોલવામાં અને ખાવામાં મુશ્કેલી ઉભી કરે છે. પરંતુ આપણે તે ટિપ્સ અપનાવવાનું ક્યારેય બંધ કરતા નથી, જેને સાંભળીને આપણે મોટા થયા છીએ, જે આપણને હેડકીથી ઝડપથી છુટકારો મેળવવામાં મદદ કરી શકે છે.
જો કે હેડકીને બંધ કરવાના ઘણા ઉપાયો છે પણ તેમાંથી થોડા જ કામ કરે છે. આ લેખમાં તમારી સાથે કેટલીક ટીપ્સ જણાવીશું જે ખરેખર હેડકી રોકવા માટે કામ કરે છે. આગલી વખતે જ્યારે તમને હેડકી પરેશાન કરે છે ત્યારે તમે આ ટિપ્સ અજમાવી શકો છો. પરંતુ તે પહેલા જાણી લો કે હેડકી શું છે?
હેડકી શું છે?
સરળ શબ્દોમાં, હિંચકી એ ગળામાં તમારા સ્નાયુઓની અનૈચ્છિક ક્રિયા છે. આવું ત્યારે થાય છે જ્યારે ડાયાફ્રેમના સ્નાયુઓ અચાનક સંકોચાય છે અને તમે તેને નિયંત્રિત કરી શકતા નથી. આ પછી દરેક સંકોચન પછી તમારા વોકલ કોર્ડને અચાનક બંધ કરવામાં આવે છે, જેનાથી “હિચ” જેવો અવાજ આવે છે.
પાણી પીવું : શ્વાસ લેવા માટે વચ્ચે રોકાયા વગર ધીમે ધીમે એક ગ્લાસ પાણી પીવો. આ પ્રાચીનકાળથી ચાલ્યો આવતો ઉપાય છે કારણ કે તે અદ્ભુત રીતે કામ કરે છે. જ્યારે તમે પાણી પી રહયા હોય ત્યારે અન્નનળીના લયબદ્ધ સંકોચન ડાયાફ્રેમના ખેંચાણને દૂર કરી શકે છે.
શ્વાસ રોકી રાખો : તમારા શ્વાસને રોકી રાખો અને ત્રણ વખત ગળી લો. આ શ્વસનતંત્રને અવરોધશે અને હેડકી બંધ બંધ થઇ જશે. તમે તમારી જરૂરિયાત મુજબ આ પ્રક્રિયાને ફરીથી કરી શકો છો. થોડીક સેકન્ડો માટે તમારા શ્વાસને પકડી રાખવાથી તમારા શરીરમાં થોડો કાર્બન ડાયોક્સાઇડ અસરકારક રીતે રહે છે. તે ડાયાફ્રેમમાં ખેંચાણ ઘટાડવામાં મદદ કરે છે, તેથી હેડકી બંધ થઇ શકે છે.
એક ચમચી ખાંડ ખાઓ : આજ પછી આ તમારી મનપસંદ ટ્રીક બનવાની છે, અમે તમને ખાતરી આપી શકીએ છીએ કે આ ઘરગથ્થુ ઉપચારને અસરકારક બનાવવા માટે તમારે લગભગ અડધી ચમચી ખાંડને જીભના પાછળના છેડા પર રાખવાની છે.
દાણાદાર ખાંડને તમારી જીભ પર લગભગ 5 થી 10 સેકન્ડ માટે રાખો. આ પછી તેને ગળી લો. આ પદ્ધતિ તમારી શ્વાસ લેવાની રીતને બદલી શકે છે જે ખેંચાણને રોકી શકે છે.
બરફના પાણીથી કોગળા કરો : તમે 30 સેકન્ડ માટે બરફના પાણીથી કોગળા કરો. તેનાથી તમે હેડકીથી જલ્દીથી રાહત મેળવી શકો છો. અન્નનળીનું આ લયબદ્ધ સંકોચન ડાયાફ્રેમના ખેંચાણને ઓછો કરી શકે છે.
ધીમેધીમે જીભ ખેંચો : આ તમને વિચિત્ર લાગશે પરંતુ આ ઉપાય ખરેખર કામ કરે છે. આ માટે તમારી જીભને એક કે બે વાર હળવા હાથે ધીરે ધીરે ખેંચો. જીભ ખેંચવાથી ગળાના સ્નાયુઓ અને ચેતા ઉત્તેજિત થશે. તો હવે જ્યારે તમને હેડકી આવે ત્યારે આ ટ્રિકનો ઉપયોગ કરો. આનાથી લોહીમાં કાર્બન ડાયોક્સાઇડનું સ્તર વધી શકે છે અને વધુ ઓક્સિજન લાવવા માટે ડાયાફ્રેમ વધુ સંકુચિત થઈ શકે છે.
કાગળની થેલીમાં શ્વાસ લો : એક પેપરબાગમાં તમારું મોં મૂકો. તમારું નાકને પણ ઢાંકો. હવે શ્વાસ અંદર અને બહાર લેતી વખતે ધીમે ધીમે પેપર બેગને ફુલાવો. પરંતુ તમે આ ઉપાય કરવા માટે પ્લાસ્ટિકની થેલીઓનો ઉપયોગ કરશો નહીં.
ઘૂંટણને ગળે લગાવો : આ એક ખૂબ જ સરળ ઉપાય છે જેને તમે અજમાવી શકો છો. આ માટે તમારે આરામદાયક જગ્યાએ બેસવું પડશે અને પછી તમારા ઘૂંટણને તમારી છાતી પર લાવવાના છે અને તેને ત્યાં બે થી ત્રણ મિનિટ માટે રાખવાના છે. તમારા ઘૂંટણને ખેંચવાથી છાતી સંકુચિત થાય છે, જે ડાયાફ્રેમના ખેંચાણને બંધ કરે છે.
હેડકીને કેવી રીતે રોકી શકાય : ખોરાક ધીમે ધીમે ખાઓ, ઓછું ખાઓ, આલ્કોહોલથી દૂર રહો, કાર્બોનેટેડ પીણાં પીવાનું ટાળો, મસાલેદાર ખોરાક ખાવાનું ટાળો, મેડિટેશન અને ઊંડા શ્વાસ લેવા જેવા યોગાસનો કરો
જો તમને હેડકી અચાનક આવી જાય છે તો ચિંતા કરશો નહીં, ઉપર જણાવેલ આ ઉપાયો કરો.જો તમે આ ઉપાયો ટ્રાય કર્યા છે? આમાંથી કયો ઉપાય શ્રેષ્ઠ કામ કરે છે તે પણ જણાવજો. આવા વધુ લેખો વાંચવા માટે રસોઇનિંદુનિયા સાથે જોડાયેલા રહો.
