જેમ જેમ બાળકની ઉંમર વધે છે તેમ તેમ તેના શરીરની પોષણની જરૂરિયાતો બદલાતી રહે છે.સામાન્ય રીતે પાંચથી દસ વર્ષની ઉંમર એવી ઉંમર છે જ્યારે બાળકની સૌથી વધારે વિકાસ થાય છે. તેના શરીરના હાડકાંથી લઈને ઊંચાઈ વધે છે.
આવી સ્થિતિમાં જો બાળકના આહારનું ધ્યાન રાખવામાં ના આવે તો તે બાળક માટે ઘણી સ્વાસ્થ્ય સમસ્યાઓનું કારણ બની શકે છે. આ ઉંમરને બાળકના સ્વાસ્થ્યનો પાયાનો પથ્થર પણ કહી શકાય છે. તેથી જો આ ઉંમરે બાળકના શરીરમાં પોષક તત્વોની ઉણપ હોય તો તેને જીવનભર અનેક સમસ્યાઓનો સામનો કરવો પડી શકે છે.
બાળકના સ્વાસ્થ્યની કાળજી લેવાનો શ્રેષ્ઠ માર્ગ એ છે કે તેના આહાર પર પૂરતું ધ્યાન રાખવું. તો આજે આ લેખમાં અમે તમને જણાવી રહ્યાં છે કે આ ઉંમરે બાળકોના આહારમાં કયા ખોરાકનો સમાવેશ કરવો જોઈએ.
કેળા જરૂરથી આપો : આ ઉંમરમાં બાળકોને નિયમિતપણે કેળું આપવું જોઈએ. પ્રોટીન સહિત કેળામાં કાર્બોહાઇડ્રેટ્સ, ફાઈબર, પોટેશિયમ અને બીજા ઘણા પોષક તત્વો જોવા મળે છે. કેળા એનર્જી આપનાળુ ફળ માનવામાં આવે છે અને આ ઉંમરના બાળકોને પૂરતી ઊર્જાની જરૂર હોય છે. તમે બાળકને સીધું કેળું અથવા સ્મૂધી બનાવીને આપી શકો છો.
મોસમી ફળો અને શાકભાજી આપો : જ્યારે 5-10 વર્ષની વયના બાળકોના આહારની વાત આવે ત્યારે તેમને મોસમી ફળો અને શાકભાજી આપવું શ્રેષ્ઠ છે. મોસમી ફળો સસ્તા હોય છે અને તેથી તમે તેને સરળતાથી ખરીદીને બાળકોને પૂરતી માત્રામાં આપી શકો છો. આ મોસમી ફળોમાં વિટામિન્સ, મિનરલ્સ અને સૂક્ષ્મ પોષકતત્વો ભરપૂર માત્રામાં હોય છે જે બાળકની વધતી ઉંમર માટે ખૂબ જરૂરી છે.
પ્રોટીન પર વિશેષ ધ્યાન આપો : 5-10 વર્ષની વયના બાળકોના આહારમાં પ્રોટીન પર પૂરતું ધ્યાન આપવું મહત્વપૂર્ણ છે. વાસ્તવમાં, પ્રોટીન માત્ર બાળકના મસલ્સમાં નિર્માણમાં જ મદદ કરતું નથી, પરંતુ તે બાળકના વાળ અને નખના વિકાસમાં પણ મદદ કરે છે.
એવું માનવામાં આવે છે કે પાંચથી દસ વર્ષના બાળકોએ તેમના વજન પ્રમાણે દરરોજ લગભગ 20-25 ગ્રામ પ્રોટીન નિયમિતપણે લેવું જોઈએ, તેથી તમે બાળકોના આહારમાં પ્રોટીનનું પ્રમાણ વધારવા માટે તેમને કઠોળ, નટ્સ, બીજ, ઈંડા, દૂધ વગેરે આપો.
કેલ્શિયમ પણ જરૂરી છે : બાળકો માટે પૂરતા પ્રમાણમાં કેલ્શિયમનું સેવન ખૂબ જ જરૂરી છે. આ ઉંમરે હાડકાની વૃદ્ધિની સાથે ઊંચાઈ પણ ખૂબ જ ઝડપથી વધે છે. સામાન્ય રીતે પાંચથી દસ વર્ષની વયના બાળકના શરીરની કેલ્શિયમની જરૂરિયાત દરરોજ 500-650 મિલિગ્રામની વચ્ચે હોય છે. આ માટે તમે બાળકના આહારમાં દૂધ, દહીં, પનીર, બદામ, ટોફુ, સોયા, બ્રોકોલી, ચિયા સીડ્સ વગેરેને સામેલ કરીને કેલ્શિયમની જરૂરિયાતો પૂરી કરી શકો છો.
આયર્ન એકાગ્રતા વધારે છે : બાળકની પાંચથી દસ વર્ષની ઉંમર એવી હોય છે, જ્યારે બાળકોને ઘણી નવી વસ્તુઓ શીખવાની અને સમજવાની હોય છે અને આ માટે તેમને પૂરતી એકાગ્રતાની ખુબ જ જરૂર હોય છે.
જો બાળકના શરીરમાં આયર્નની ઉણપ હોય તો તેમને ધ્યાન કેન્દ્રિત કરવામાં સમસ્યા આવે છે. બાળકના આહારમાં આયર્નનો સમાવેશ કરવા માટે તમે તેને લીલા પાંદડાવાળા શાકભાજી, કોળાના બીજ, કઠોળ, ટોફુ, બ્રોકોલી વગેરેનું સેવન કરવા માટે આપી શકો છો.
જો તમને આ જાણકારી ગમી હોય તો રસોઈનીદુનિયા સાથે જોડાયેલા રહો. અહીંયા તમને આવી જ આહાર સબંધિત માહિતી મળતી રહેશે.
