આખો દિવસ કામ કર્યા પછી રાત્રે આંખોમાં થાક લાગે છે. ખાસ કરીને એવા સમયે જ્યારે આપણે દિવસભર કોમ્પ્યુટરમાં અથવા મોબાઈલમાં વ્યસ્ત રહીએ છીએ. આ સાથે આપણો ખોરાક, કસરત અને ઊંઘની પેટર્ન પણ એટલી ખરાબ છે કે આપણી આંખ હંમેશા થાકેલી લાગે છે.
આ થાક અને તણાવની અસર આપણા માનસિક સ્વાસ્થ્યની સાથે આંખોની સુંદરતા પર પણ પડે છે. આવી સ્થિતિમાં તમે દરરોજ રાત્રે સુતા પહેલા આંખની કસરત કરીને તમે આ પરિસ્થિતિઓથી બચી શકો છો.
રાત્રે સૂતા પહેલા કરો આંખની આ કસરત : પાંપણો ઝબકાવવી, ગરમ હથેળીઓથી કરીને આંખોની માલિશ કરવી, 20-20-20 નિયમ અપનાવવો, નજીક અને દૂર ધ્યાન કેન્દ્રિત કરવું, આંખની પાંપણ અને આઈબ્રોને માલિશ કરતી વખતે 10 મિનિટ સુધી આંખો બંધ રાખવી, વગેરે કસરતો કરી શકો છો. નીચે આપેલો વિડિઓ જોઈ શકો છો.
Try these eye exercises for stronger vision #HealthTips #FitBharat 🇮🇳 pic.twitter.com/s3s2GdHAcR
— Fitistan-एक Fit भारत 🇮🇳 (@TheFitistan) October 9, 2021
સૂતા પહેલા આંખની કસરત કરવાના 5 ફાયદા થાય છે (1) દિવસભર થાક : રાત્રે સૂતા પહેલા આંખની કસરત કરવાથી તમે રિલેક્સ અનુભવી શકો છો . ઉપરાંત તે દિવસભરનો થાક દૂર કરે છે. આ સિવાય તમારી આંખોને તણાવપૂર્ણ દિવસથી પણ આરામ મળે છે.
(2) આંખની દ્રષ્ટિ ઓછી થવી : જ્યારે આપણે આંખોને આરામ આપીએ છીએ ત્યારે તે તેમને આરામ આપે છે એટલું જ નહીં પણ આંખની દ્રષ્ટિ ઓછી થતી થતી અટકાવે છે. તે રેટિનાને પણ સ્વસ્થ રાખે છે.
(3) ડાર્ક સર્કલ : જો તમે ઊંઘતા પહેલા દરરોજ આંખની કસરત કરો છો તો તે રક્ત પરિભ્રમણને સુધારવામાં મદદ કરે છે. આના કારણે ત્વચાનો નિખાર પણ જળવાઈ રહે છે અને મેલાનિન પિગમેન્ટનું ઉત્પાદન બરાબર રહે છે. આના કારણે ડાર્ક સર્કલની સમસ્યા નથી થતી અને જો હોય તો પણ તે દૂર થાય છે.
(4) આંખોની આસપાસ કરચલીઓ : ઘણા લોકોની આંખોની આસપાસ કરચલીઓ પડી હોય છે તેનું કારણ નબળું રક્ત પરિભ્રમણ અને કોલેજનની અભાવને કારણે થઈ શકે છે. આવી સ્થિતિમાં, કરચલીઓને ઠીક કરવા માટે કસરત મદદ કરી શકે છે.
(5) ઊંઘનો અભાવ : આંખની કસરત કરવાનો એક ફાયદો એ છે કે તે તમને સારી રીતે ઊંઘ આવે છે. ખરેખર આંખનો થાક દૂર કરવાથી તમારો તણાવ પણ ઓછો થાય છે અને તમે રિલેક્સ અને માનસિક આરામ અનુભવો છો, જેનાથી રાત્રે ગાઢ ઊંઘ આવે છે.
