જે રીતે મોટાભાગની વસ્તુઓને સાફ કરવા માટે બેકિંગ સોડાનો ઉપયોગ કરવામાં આવે છે તેજ રીતે ઘરની તમામ વસ્તુઓને સાફ કરવા માટે બ્લીચનો પણ ઉપયોગ કરવામાં આવે છે. પરંતુ ઘણી વખત લોકો ખોટી જગ્યાએ બ્લીચનો ઉપયોગ કરે છે અને એવું વિચારે છે કે બ્લીચ ઉપયોગ કરવાથી તે વસ્તુ વધારે સાફ થઇ જશે.
પરંતુ આપણે બધા જાણીએ છીએ કે કોઈપણ વસ્તુનો વધુ પડતો ઉપયોગ હંમેશા તમને નુકસાન પહોંચાડે છે. તો બ્લીચનો ઉપયોગ ક્યાં કરવો જોઈએ તે જાણવું પણ તમારા માટે જરૂરી છે. આજના આ લેખમાં અમે તમને જણાવીશું કે બ્લીચનો ઉપયોગ ક્યાં કરવો જોઈએ અને તેનો ઉપયોગ કરવાની સાચી રીત કઈ છે અને ક્યાં ના કરવો જોઈએ.
ટાઇલ્સ પર બ્લીચનો ઉપયોગ ના કરશો : વૉશરૂમમાં ડિઝાઇનર ટાઇલ્સ સાફ કરવા માટે પણ બ્લીચનો ઉપયોગ ક્યારેય કરશો નહીં. બ્લીચનો ઉપયોગ કરવાથી ટાઇલ્સનો રંગ ઉડી જાય છે અને તે સાવ કદરૂપું દેખાય છે.
જો તમે ટાઇલ્સ સાફ કરવા માંગતા હોય તો તમે બીજી કોઈ ટિપ્સની મદદથી કરી શકો છો. તેવી જ રીતે તમારા રસોડાનો ગેસ સ્ટોવનો સ્લેબ ગ્રેનાઈટ અથવા માર્બલનો છે તો ભૂલથી પણ બ્લીચથી સાફ ન કરો. તેનાથી પથ્થરની ચમક ઓછી થઇ જશે.
ઝાડ અને છોડ માં ના નાખો બ્લીચ : જો તમે તમારા ઘરમાં અંદર કે બહાર છોડ છે તો તેને ભૂલથી પણ બ્લીચના સંપર્કમાં ના આવવા દો. આમ કરવાથી તેનો વિકાસ અટકી જશે અને મરી જશે. જ્યાં તમે તમે વૃક્ષો વાવ્યા છે તેની નજીક તમારે બ્લીચનો ઉપયોગ ના કરવો જોઈએ. જો તમારે ત્યાં બ્લીચનો ઉપયોગ કરવો હોય તો પહેલા વૃક્ષો અને છોડને ત્યાંથી ખસેડવા પડશે.
મેટલ અને સ્ટીલના વાસણોમાં ક્યારેય બ્લીચ ના લગાવો : જો તમે મેટલ અને સ્ટીલના વાસણો પાર પડેલા ડાઘ હોય તો તમારે તેને બ્લીચથી સાફ કરવા વિશે ક્યારેય વિચારવું પણ ના જોઈએ. જો તમે સ્ટીલ અથવા અન્ય કોઈપણ ધાતુ પર બ્લીચનો ઉપયોગ કરશો તો તે પામશે.
લાકડાના ફ્લોરિંગ પર ના કરો ઉપયોગ : જો તમારા ઘરમાં વુડન ફ્લોરિંગ કરવામાં આવી છે તો તમારે તેને ક્યારેય બ્લીચથી સાફ ના કરવું જોઈએ. જો તમે ભૂલથી પણ ઉપયોગ કરશો તો તમારા લાકડાના ફ્લોરિંગને નુકસાન થશે અને ફેડ-ફેડ જેવું દેખાશે.
વાઇન ના ડાઘ કાઢવા માટે ના કરો : જો તમારા કપડા પર વાઇનના ડાઘ લાગી જાય છે તો તેને દૂર કરવું સરળ નથી. જો તમે બ્લીચની મદદથી તે ડાઘને દૂર કરવા માંગતા હોય તો અમે તમને જણાવીએ કે વાઇનના ડાઘ પર બ્લીચનો ઉપયોગ કરવાથી તે ડાઘ પીળા થઈ જાય છે. તેથી કપડાં પર વાઇનના ડાઘ હોય તો તેને બ્લીચ ના કરો.
બ્લીચનો ઉપયોગ કેવી રીતે કરવો : જો તમે બજારમાંથી બ્લીચને ખરીદી કરીને ઘરે લાવો છે તો તે પ્રોડક્ટની પાછળ જ જણાવવામાં આવે છે કે તમારે તેનો ઉપયોગ કેવી રીતે કરવો અને કેટલી માત્રામાં કરવાનો હોય છે. પરંતુ તેમ છતાં લોકો તેનો ખોટો ઉપયોગ કરે છે અને પછી તેને તેનું નુકસાન ભોગવવું પડે છે.
જો તમે કપડાં પર બ્લીચનો ઉપયોગ કરવા જઈ રહયા છો તો બ્લીચને પાણીમાં મિક્સ કરો અને તેને કપડાં પર લગાવો. કપડાં પર જ્યાં ડાઘ છે તેના પર જ બ્લીચનું મિશ્રણ લગાવો અને પછી તેને 10 મિનિટ માટે રહેવા દો. ધ્યાનમાં રાખો કે તમારે બ્લીચમાં માત્ર પાણી જ મિક્સ કરવાની જરૂર છે.
ઘણા લોકો બ્લીચમાં વિનેગર પણ મિક્સ કરે છે અને આમ કરવાથી જે ગેસ ઉત્પન્ન થાય છે તેનાથી તમારી આંખોમાં બળતરા થાય છે. વધારે પડતા બ્લીચનો ઉપયોગ ના કરવો જોઈએ કારણ કે બ્લીચ કપડાં પર બ્લીચના નિશાન છોડી શકે છે. તો ભવિષ્યમાં જ્યારે પણ તમે બ્લીચનો ઉપયોગ કરો છો ત્યારે ઉપર જણાવેલી ભૂલો કરવાનું ટાળો.
જો તમને પણ આ બ્લીચ ના ઉપયોગ વિષેની માહિતી પસંદ આવી હોય તો તેને આ જાણકારીથી અજાણ છે તેમના સુધી પહોંચાડો, જેથી કરીને જે લોકોને મદદ થઇ શકે, આવી જ બીજી જીવનઉપયોગી માહિતી માટે રસોઈનીદુનિયા સાથે જોડાયેલા રહો.
