આપણું શરીર એક મશીન જેવું છે અને તેના દરેક અંગની મહત્વની ભૂમિકા ભજવી રહ્યું છે. કિડની એ શરીરના ખૂબ જ મહત્વપૂર્ણ અંગોમાંથી એક છે જે પાણીને ફિલ્ટર કરીને કરવાનું અને શરીરમાંથી કચરો બહાર નીકાળવાનું કામ કરે છે.
જો કિડનીની કોઈ સમસ્યા થવા લાગે તો સમસ્યા અનેક ઘણી વધી જાય છે. કિડની ફેલ થવાની અને ડાયાલિસિસ પણ થઇ શકે છે. તો જાણી લો કે કિડનીને સ્વસ્થ રાખવા માટે શું કરી શકાય છે. જ્યારે કિડનીની બીમારી શરૂ થાય છે ત્યારે તેના લક્ષણો જોવા મળે છે અને કિડનીને સ્વસ્થ રાખવા માટે કેટલીક ટિપ્સને અનુસરી શકાય છે.
1. કિડની બીમારીના લક્ષણો : જો કિડનીની બીમારી શરૂ થઈ ગઈ હોય તો આપણું શરીર આપણને અનેક પ્રકારના લક્ષણો બતાવે છે. જેમ કે, કિડનીની બીમારી શરૂ થતાં જ તેની અસર ત્વચા પર દેખાવા લાગે છે. ત્વચા ખૂબ શુષ્ક, ખંજવાળ, તિરાડોવાળી બની જાય છે.
ખંજવાળના સ્ટ્રેચ માર્ક્સ આવી શકે છે. ત્વચાનો રંગ વધારે સફેદ દેખાવા લાગે છે. શરીરમાં ઘણા પ્રકારના મિનરલ્સ અને વિટામિન્સની ઉણપ થવા લાગે છે. નખમાં સફેદ પટ્ટીઓ અથવા ટપકા દેખાવા લાગે છે. નખ ખૂબ નબળા અને કાચા થઈ જાય છે.
હાથ અને પગના તળિયામાં વધારે સોજો દેખાવા લાગે છે. તમને પેટના નીચેના ભાગમાં અને કમરમાં ઘણો દુખાવો થવા લાગશે. પેશાબ કરતી વખતે બળતરા અને અગવડતા હોઈ શકે છે.
તો આ હતા તેના લક્ષણો. હવે વાત કરીએ તે ટિપ્સ વિશે જે તમારી સમસ્યાને થોડી ઓછી કરી શકે છે.
2. શરીરને બિલકુલ ડીહાઇડ્રેટ ન થવા દો : તમારે ધ્યાન એ વાતનું રાખવું પડશે કે તમે તમારા શરીરને કોઈપણ રીતે ડીહાઇડ્રેટ ન થવા દો. કિડનીની પથરીથી બચવાનો આ શ્રેષ્ઠ ઉપાય એ છે કે તમારે દિવસ દરમિયાન ભરપૂર પ્રમાણમાં પાણી પીવું જોઈએ.
3. બ્લડ શુગરને હંમેશા નિયંત્રણમાં રાખવાનો પ્રયાસ કરો : તમને કદાચ આ વાતની અજાણ હશો, પરંતુ બ્લડ શુગર લેવલ કિડની ફેલ થવાનું સૌથી મોટું કારણ બની શકે છે. જો બ્લડ સુગર વધી જાય તો કિડની બરાબર કામ કરતી નથી અને જો સતત આમ રહેવાથી કિડની પર ઘણી અસર થાય છે. હેલ્દી ફળો, શાકભાજી, સ્ટ્રોબેરી, બ્લુબેરી, કોબી, લસણ વગેરે ખાઓ. રીફાઇન્ડ પ્રોડક્ટથી દૂર રહો.
4. બ્લડ પ્રેશર વધારે ના વધવા દો : બ્લડ પ્રેશર પણ કિડની ખરાબ થવાનું કારણ હોઈ શકે છે. જો બ્લડપ્રેશર, ડાયાબિટીસ કે હાર્ટની સમસ્યા હોય તો તેની અસર આખા શરીર પર પડે છે અને આ સ્થિતિમાં અંગને નુકસાન પણ થઈ શકે છે. દરરોજ બ્લડ પ્રેશર ચેક કરો અને ડૉક્ટરની સલાહ માનો.
5. આલ્કોહોલ અને ધૂમ્રપાન બંધ કરો : સ્વસ્થ રહેવા માટે, તે ખૂબ જ મહત્વપૂર્ણ છે કે તમે એવી વસ્તુઓથી દૂર રહો જે લીવર અને કિડનીને નુકસાન પહોંચાડે છે અને જો તમને પહેલેથી જ કોઈ સ્વાસ્થ્યની સમસ્યા છે, જે તમને પરેશાન કરે છે, તો આ વસ્તુઓથી દૂર રહેવું તમારે માટે વધારે સારું છે.
6. 30 મિનિટની કસરત કરવી જરૂરી : તમે દરરોજ 30 મિનિટ કોઈપણ પ્રકારની કસરત જરૂરથી કરો. તેનાથી તમારા બ્લડ શુગર લેવલ અને બ્લડ પ્રેશરને પણ ફાયદો થશે. જો તમને કસરત કરવી પસંદ નથી, તો પછી ફક્ત 30 મિનિટ ચાલવાની કસરત કરો. આ પણ તમારા માટે ફાયદાકારક રહેશે.
7. વિચાર્યા વગર દવા ના લો : મોટાભાગના લોકોને એવી આદત હોય છે કે તેઓ કંઈપણ વિચાર્યા વગર કોઈપણ દવા લેવાનું શરૂ કરી દે છે. માથાનો દુખાવો માટે બ્રુફેન અને આવી જ બીજી પેઇન કિલર અથવા એન્ટિબાયોટિક્સ લેવાનું વિચારો છો તે યોગ્ય નથી. આવી દવાઓ કીડની પર ઘણી ખરાબ અસર કરે છે.
8. ઊંઘ ચક્રની કાળજી લો : જયારે તમે સુતા હોવ છો ત્યારે આપણું શરીર પોતાનું સમારકામ કરે છે. આ એવી રીતે થાય છે કે આપણા શરીરને સ્વસ્થ રહેવા માટે 7 થી 8 કલાકની ઊંઘની જરૂર હોય છે. આ હંમેશા આપણે ધ્યાનમાં રાખવું જોઈએ.
9. વજન વધવા ન દો : આ તમામ રોગોનું કારણ મોટાપા હોઈ શકે છે. તે ડાયાબિટીસ, હાઈ બ્લડ પ્રેશર અને હૃદય રોગનું કારણ બને છે. હેલ્ધી ખાવા માટે એ જરૂરી છે કે આપણે પ્રોસેસ્ડ ફૂડ જેવા કે મૈંદા વગેરેથી દૂર રહીએ અને સાથે સાથે વધુ પડતું મીઠું અને વધુ પડતી ખાંડ પણ ખાવાનું બંધ કરીએ.
10. નિયમિત કિડની ચેકઅપ કરાવો : કિડનીનું ચેકઅપ સમય સમય પર કરાવતા રહેવું સારું છે. જો તમારા શરીરમાં બ્લડ યુરિયા પણ વધી રહ્યું છે તો તમારે ડૉક્ટરનો સંપર્ક કરવો જ જોઈએ. કિડનીના કિસ્સામાં ડૉક્ટરના શબ્દોનું પાલન અવશ્ય કરો. જો તમને આ જાણકારી પસંદ આવી હોય તો રસોઈનીદુનિયા સાથે જોડાયેલા રહો.
