val vadharva na upay
વધુ માહિતી મેળવવા અમારી સાથે જોડાઓ
WhatsApp Group Join Now

આપણે બધા જાણીયે છીએ કે યોગ આપણા સ્વાસ્થ્ય માટે સારું છે. યોગ કરવાથી માત્ર આંતરિક અને માનસિક સ્વાસ્થ્યનું રક્ષણ તો કરે જ છે, પણ સાથે તે ત્વચા અને વાળની ​​સમસ્યાઓને દૂર કરવા માટે પણ જાણીતું છે.

જો તમે એવી સ્ત્રી છો કે જેને સાવ ટૂંકા વાળ છે અને કંટાળી ગયા છો અને તમે ઈચ્છો છો કે તમારા વાળ લાંબા અને જાડા હોય તો એવા ઘણા યોગ પોઝ છે જે ખરેખર વાળના વિકાસમાં મદદ કરી શકે છે. વાસ્તવિકતા છે કે વાળના વિકાસ અને સારા સ્વાસ્થ્ય મેળવવા માટે યોગ દુનિયાભરમાં ખૂબ જ લોકપ્રિયતા મેળવી રહ્યો છે કારણ કે તેનાથી અદ્ભુત પરિણામો મળે છે.

અહીં કેટલાક યોગ આસનો વિષે જણાવવા જઈ રહયા છીએ જે વાળના વિકાસ માટે સારા જ છે પણ સાથે વાળ ખરતા ઘટાડવામાં અને તેમના સ્વાસ્થ્યને સુધારવામાં પણ મદદ કરે છે.

1. કપાલભાતિ : કપાલભાતિ બે સંસ્કૃત શબ્દોથી બનેલો છે: કપાલ એટલે કે જેનો અર્થ થાય છે ‘ખોપરી’ અને ભાતિનો અર્થ થાય છે પ્રકાશ. આ શ્વાસ લેવાની કસરત ખોપરી ઉપરની ચામડીમાંથી ઝેરી પદાર્થોને દૂર કરે છે, જેનો અર્થ થાય છે કે સમગ્ર માથું અથવા ચહેરાના ભાગને વધુ સારી રીતે ઓક્સિજન સપ્લાયને પ્રોત્સાહન આપે છે અને મુક્ત રેડિકલ ઘટાડે છે અને વાળના વિકાસને સક્ષમ કરે છે. આ સિવાય તણાવ અને ચિંતાને કારણે પણ વાળ ખરતા હોય છે તો તેને પણ ઘટાડવામાં મદદ કરે છે.

વિધિ : તમારી ગરદન, પીઠ અને માથું સીધું રાખીને પગ ક્રોસ વાળીને બેસો. હાથને ઘૂંટણ રાખીને અને હથેળી ઉપરની તરફ રાખીને તમારા બધા સ્નાયુઓને આરામ આપો. હવે ઊંડો શ્વાસ લો અને પછી પેટના સ્નાયુઓને સંકોચાઈને બધી હવા બહાર કાઢો. આમ એક થી બે મિનિટ માટે કરો. કપાલભાતી યોગ વહેલી સવારે ખાલી પેટે કરવાની સલાહ આપવામાં આવે છે.

2. શીર્ષાસન : શીર્ષાસન કરવાથી ખોપરી ઉપરની ચામડી લોહીનું પરિભ્રમણ સુધરે છે, જે વાળને ખરતા અટકાવે છે, પાતળા વાળ થતા અટકાવે છે અને ટાલ પડવાને રોકે છે. આ આસન નવા વાળના વિકાસમાં મદદ કરે છે અને વાળને સફેદ થતા અટકાવે છે. તે વાળના રોમને તેમની મહત્તમ વૃદ્ધિના વિકાસમાં મદદ કરે છે અને આમ વાળના વિકાસમાં સુધારો કરે છે.

વિધિ: સૌથી પહેલા વજ્રાસનમાં ઘૂંટણ પર બેસી જાઓ. ત્યારબાદ બંને હાથની આંગળીઓને એકબીજા સાથે જોડી દો અને પછી હથેળીને બાઉલના આકારમાં રાખીને ધીમેથી માથું ઝુકાવીને તેને હથેળી પર મૂકો. પછી ધીમે-ધીમે બંને પગને ઉપર ઉભા કરો અને સીધા રાખો.

શરૂઆતમાં તમે પગને ઉપર લઇ જવા માટે દિવાલનો સહારો લઈ શકો છો. શરીરને સીધું રાખો અને સંતુલન જાળવો. 15 થી 20 સેકન્ડ સુધી આ સ્થિતિમાં રહો અને પછી ધીમે-ધીમે શ્વાસ છોડતી વખતે પગને જમીન પર પાછા લાવો. આ આસનને 3 થી 4 વાર કરો.

3. પર્વતાસન : આ યોગ કરવાથી લોહીનો પુરવઠો વધે છે અને તેનું દબાણ મગજ પર એટલી ઝડપથી પડે છે કે મૂળને આવરી લે છે અને ત્વચાના છિદ્રોને ખોલે છે.

વિધિ : સૌ પ્રથમ પદ્માસન મુદ્રામાં બેસી જાઓ અને નમસ્કારની મુદ્રામાં બંને હાથ જોડો. પછી શ્વાસ લેતી વખતે હાથને માથાની ઉપર લઈ જાઓ. શરીરને ઉપરની તરફ ખેંચવાનો પ્રયત્ન કરો. આમ કરવાથી ફેફસાં ફેલાય છે. 4-5 ઊંડા શ્વાસ લીધા પછી મુદ્રા બદલો.

4. પશ્ચિમોત્તનાસન : આ આસન સ્નાયુઓને આરામની સાથે-સાથે ખેંચે છે અને તેનાથી ઓક્સિજનનું સ્તર વધે છે અને માથામાં લોહીનો પ્રવાહ પણ વધે છે. આમાં શરીર બે ભાગમાં વહેંચાઈ જાય છે. પ્રથમ ભાગમાં, શરીરનું દબાણ મગજ તરફ જાય છે. આના કારણે વાળના કોષોની અંદર પ્રવાહ આવે છે જેથી તેઓ તેમનું કાર્ય સારી રીતે કરે છે, જેનાથી વાળનો વિકાસ થાય છે.

image credit : pexels

વિધિ : તમારા પગ આગળ લંબાવીને દંડાસનમાં બેસો. તમે તમારા ઘૂંટણને સહેજ વાળીને પણ રાખી શકો છો. બંને હાથ ઉભા કરો અને કરોડરજ્જુને સીધી રાખો. હિપ્સથી આગળ નમતી વખતે શ્વાસ છોડો. તમારી આંગળીઓ વડે અંગૂઠાને પકડો. થોડો સમય આ સ્થિતિમાં રહો અને બહાર આવી જાઓ.

તમે પણ આ યોગાસનો કરીને તમારા વાળનો વિકાસ વધારી શકો છો. યોગ સંબંધિત વધારે માહિતી મેળવવા માટે રસોઈનીદુનિયા સાથે જોડાયેલા રહો.

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા