આપણે જાણીએ છીએ કે કોઈપણ ઋતુ કે સમયમાં સ્વાસ્થ્ય જાળવવા માટે, નિરોગી રહેવા માટે એક નહીં પરંતુ અનેક પોષક તત્વોની જરૂર હોય છે. જેમ વિટામીન-સી, પ્રોટીન, ઝિંક, કેલ્શિયમ, વિટામીન-ઈ વગેરેની જરૂર હોય છે. તેમ શરીરને સ્વસ્થ રાખવા માટે વિટામીન-બી1ની જરૂર છે.
વિટામીન-બી1 વાળા ખોરાકનું સેવન તમને એક નહીં પરંતુ અનેક સમસ્યાઓથી દૂર રાખે છે. વિટામીન-બી1 વાળા ખોરાક પાચનથી લઈને ત્વચા સુધીની સમસ્યાઓ દૂર કરે છે. જો તમે વિટામિન-બી1 વાળા ખોરાકના ફાયદા વિશે જાણતા નથી, તો આ માહિતી તમારા માટે ખુબજ મહત્વની છે.
1) આંખો માટે શ્રેષ્ઠ: શિયાળાની ઋતુની સરખામણીમાં ઉનાળા અને વરસાદની ઋતુમાં આંખોમાં ખંજવાળ અને આંખો સુકાઈ જવી વગેરેની સમસ્યા રહે છે. આવી સ્થિતિમાં, વિટામિન-બી1 યુક્ત ખોરાક આંખની આ સમસ્યાઓમાં ફાયદાકારક સાબિત થઈ શકે છે.
વિટામિન-બી1 યુક્ત ખોરાકથી સૂકી આંખોની સમસ્યાને પણ દૂર કરી શકાય છે. આ સિવાય જો તમે આંખના દુખાવાથી પરેશાન છો તો વિટામિન-બી1 ફૂડ તમને મદદ કરી શકે છે.
2) પાચન સંબંધી સમસ્યાઓથી દૂર રાખે: આપણી દિવસે ને દિવસે બદલાતી જીવનશૈલી અને ખાવાની ખોટી આદતોને કારણે આજકાલ દરેક વ્યક્તિ પાચન સંબંધી સમસ્યાઓથી પરેશાન છે. વધુ ફાસ્ટ ફૂડ કે તળેલું ફૂડ વગેરે ખાવાના ઘણા કારણો હોઈ શકે છે. આવી સ્થિતિમાં, જો તમે પણ પાચન તંત્રની સમસ્યાથી પરેશાન છો.
તો વિટામિન-બી1 યુક્ત ખોરાક તમને આ સમસ્યાને દૂર કરવામાં મદદ કરી શકે છે. આ ઉપરાંત, તે ભૂખની અછતને શાંત કરવામાં પણ મદદ કરી શકે છે સાથે સાથે ગેસની સમસ્યામાં પણ આ ખોરાક ફાયદાકારક સાબિત થઈ શકે છે.
3) વિટામિન-બી1 ફૂડ એન્ટી એજિંગથી ભરપૂર હોય છે : એવા ઘણા વિટામિન-બી1 ફૂડ છે જે એન્ટી-એજિંગથી ભરપૂર હોય છે. આવી સ્થિતિમાં, આ એન્ટિ-એજિંગ ખોરાક તમારી ત્વચામાંથી કરચલીઓ ઘટાડવામાં મદદ કરી શકે છે. આ ઉપરાંત, આ ખોરાક ત્વચાની લાલાશને સુધારવામાં પણ મદદ કરી શકે છે.
વિટામિન-બી1 યુક્ત ખોરાક વાળ માટે પણ એટલો જ ફાયદાકારક સાબિત થાય છે. આ ઉપરાંત આ ખોરાક ઉર્જા વધારવામાં અને તણાવ દૂર કરવામાં પણ મદદ કરી શકે છે .
હવે જાણો કે એવા કયા ખોરાક છે જેમાંથી વિટામિન B1 મળી રહે છે: આમ તો વિટામિન-બી1 ખાદ્યપદાર્થોના નામોની યાદી ઘણી લાંબી હોઈ શકે છે, પરંતુ, અમે તમને એવી વસ્તુઓ વિશે જણાવીશું જે બજારમાં સરળતાથી મળી રહે છે. દા .ત તરીકે, તમે આહારમાં રોટલી, ભાત, દાળ, બદામ, કેળા, સેવ, વટાણા વગેરે જેવી વસ્તુઓનો સમાવેશ કરી શકો છો.
આ સિવાય તમે નોન વેજમાં ઈંડાનો પણ સમાવેશ કરી શકો છો. તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
