palak hair color in gujarai
વધુ માહિતી મેળવવા અમારી સાથે જોડાઓ
WhatsApp Group Join Now

આજકાલ જીવનશૈલી અને અનિયમિત ખાણી-પીણીને કારણે ન માત્ર સ્વાસ્થ્ય પર અસર થાય છે પરંતુ વાળ પણ ખરવા લાગે છે. ઘણી સ્ત્રીઓના વાળ અકાળે સફેદ થવા લાગે છે. તેથી જ મહિલાઓ તેમના વાળને કુદરતી દેખાવ આપવા માટે હેર કલરનો ઉપયોગ કરે છે.

પરંતુ બજાર મળતી મહેન્દીમાં ઘણા કેમિકલ્સ ભેળવવામાં આવે છે, જેને નિયમિતપણે લગાવવાથી વાળનો રંગ તો થઇ જાય છે પરંતુ તે શુષ્ક અને નિર્જીવ દેખાવા લાગે છે. જો કે, કેટલીક મહિલાઓ પાર્લરમાં જઈને અનેક પ્રકારની હેર ટ્રીટમેન્ટ પણ કરાવતી હોય છે, પરંતુ આ તમામ બ્યુટી ટ્રીટમેન્ટ્સ ઘણી મોંઘી હોય છે જે દરેક મહિલા કરાવી શકતી નથી.

તેથી જ કેટલીક મહિલાઓ એવી છે જે બહારની વસ્તુઓ ખરીદવાને બદલે કુદરતી વસ્તુઓનો ઉપયોગ કરવા માંગે છે, ખાસ કરીને પાંદડામાંથી બનેલી લીલી મહેંદીનો ઉપયોગ કરે છે. લીલી મહેંદી વાળને હેલ્દી પણ બનાવે છે અને તે વાળને નેચરલ લુક પણ આપે છે.

જો તમે પણ તમારા વાળને કાળા કરવા માટે કુદરતી રીતો શોધી રહ્યા છો, તો તમે ફ્રોઝન પાલકનો ઉપયોગ કરી શકો છો, કેવી રીતે મહેંદી બનાવવી અને કેવી રીતે લગાવવી? તેના ફાયદા શું છે, તે ચાલો જાણીએ આ લેખમાં.

સામગ્રી :

  • 1 કપ પાલક (થોડી સૂકી)
  • 1 કપ – ઈન્ડિગો પાવડર
  • 1 ઈંડું
  • 1/2 ચમચી – હળદર

વાળનો રંગ કેવી રીતે બનાવવો

પાલકમાંથી હેર કલર બનાવવા માટે સૌથી પહેલા 100 ગ્રામ પાલકના પાનને કપડાથી સાફ કરો. પછી પાલકને બારીક કાપો અને તેને એક દિવસ સૂકવવા માટે તડકામાં રાખો. હવે પાલકના પાનને ગ્રાઇન્ડરમાં નાખીને બરછટ પીસી લો.

હવે એક બાઉલમાં ઈન્ડિગો પાવડર લો અને તેમાં ઈંડું, હળદર, પાલક નાખો અને બધી વસ્તુને સારી મિક્સ કરો. જો જરૂરી હોય તો જ તેમાં નવશેકું પાણી મિક્સ કરો, નહીં તો દહીંનો ઉપયોગ કરવો સારું રહેશે. બસ તમારો હેર કલર તૈયાર છે, જેને તમે સ્ટોર કરીને પણ રાખી શકો છો.

વાળના રંગનો ઉપયોગ કેવી રીતે કરવો

તમે સામાન્ય મહેંદીની જેમ હેર કલરનો ઉપયોગ કરી શકો છો. પરંતુ નીચે આ સ્ટેપ તમારા માટે ઉપયોગી થઈ શકે છે. હેર કલરનો ઉપયોગ કરતા પહેલા તમારા વાળની ગૂંચ કાઢો. પછી એક બાઉલમાં હેર કલર કાઢીને તેમાં ઓલિવ ઓઈલ મિક્સ કરો અને તેને 5 મિનિટ માટે રાખો.

હવે બ્રશથી તમારા વાળ પર હેર કલર લગાવો અને આ માસ્કને લગભગ 3-4 કલાક સુધી લગાવી રાખો. 4 કલાક પછી, તમારા વાળને હૂંફાળા પાણીથી ધોઈ લો, પરંતુ તમારે કોઈપણ કેમિકલ શેમ્પૂનો ઉપયોગ કરવાનો નથી.

આનું કારણ એ છે કે વાળ પર કુદરતી રંગ લગભગ ત્રણ દિવસ પછી આવે છે અને જો તમે કેમિકલ શેમ્પૂનો ઉપયોગ કરો છો તો તેનો કલર આવતા પહેલા તમારો બધો રંગ નીકળી જશે.

હેર કલરનો ઉપયોગ કરવાના ફાયદા

પાલક એક એવી શાકભાજી છે જે પોષક તત્વોથી ભરપૂર હોય છે. તેમાં મેગ્નેશિયમ, ફોલેટ, વિટામિન-એ, વિટામિન-કે, પોટેશિયમ, કેલ્શિયમ વગેરે ભરપૂર જોવા મળે છે, જે વાળને કુદરતી રંગ આપે છે અને વાળને સિલ્કી પણ બનાવે છે.

તેમજ તેમાં વપરાતી તમામ સામગ્રી વાળને કાળા, જાડા અને સિલ્કી બનાવવામાં મદદ કરે છે. જો તમે તેનો ઉપયોગ કરી રહ્યા છો તો મહિનામાં બે વાર જરૂર કરો, ચોક્કસ તમને ફાયદો થશે.

આ બાબતો ધ્યાનમાં રાખો : વાળ કલર કર્યા પછી તેલ ન લગાવો. વાળના માસ્કને દૂર કરવા માટે હંમેશા હૂંફાળા પાણીનો જ ઉપયોગ કરો. વાળને કલર કરતા પહેલા તમારા વાળ ધોઈ લો કારણ કે ગંદા અને ઓઈલી વાળ પર રંગ નથી આવતો.

આ રંગને લાંબા સમય સુધી ન રાખો કારણ કે તેનાથી તમારા વાળને નુકસાન થઈ શકે છે. તેનો ઉપયોગ કરતા પહેલા, તેને તમારા વાળ પર લગાવતા પહેલા પેચ ટેસ્ટ જરૂર કરો. જો આ માહિતી પસંદ આવી હોય તો રસોઈનીદુનિયા સાથે જોડાયેલા રહો.

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા