જ્યારે પણ ખાણી – પીણીની વાત આવે ત્યારે આપણા ગુજરાતીઓ સૌથી આગળ હોય છે. આપણા ગુજરાતીઓ જેટલા ખાવાના શોખીન છે તેટલા બીજા લોકો ખુબજ ઓછા જોવા મળે છે. અને એમાં પણ જો ચટણી ની વાત આવે ત્યારે સૌ પહેલા દક્ષિણ ભારતીય ઢોસા અને ઈડલીની યાદ આવી જાય છે. પરંતુ જો નારિયેળની ચટણી વિશે વાત કરીએ તો, સૌથી પ્રિય દક્ષિણ ભારતીય નારિયેળની ચટણી યાદ આવી જાય છે.
આપણામાંથી મોટા ભાગના લોકો નારિયેળની ચટણી બનાવીને ખાતા હશે. પરંતુ તમારામાંથી ઘણાને ખબર નહીં હોય કે નારિયેળની ચટણીના ફાયદા શું છે અને તેને તમારા આહારમાં શા માટે સામેલ કરવું જરૂરી છે. તો ચાલો અહીંયા તમને નારિયેળની ચટણીના કેટલાક શ્રેષ્ઠ સ્વાસ્થ્ય લાભો વિશે તમને જણાવીએ.
1- પાચન માટે ફાયદાકારક : નારિયેળમાં વધુ માત્રામાં ફાઈબર તત્વો હોય છે જે પાચનતંત્ર માટે ખૂબ જ સારું છે. નારિયેળની ચટણીનું સેવન કરવાથી શરીરની પાચનક્રિયા સારી રહે છે જેના કારણે આંતરડાની ગતિમાં સુધારો થાય છે. આ ચટણીના સેવનથી પેટ સંબંધિત ઘણી સમસ્યાઓથી છુટકારો મેળવી શકાય છે.
જેવી કે અપચો, ઝાડા, કબજીયાત વગેરે જેવી કોઈપણ પાચન સમસ્યાઓ દૂર થાય છે. આ ચટણીનું સેવન કરવાથી તમારા પેટની અંદર રહેલા કોઈપણ હાનિકારક બેક્ટેરિયાને દૂર કરવામાં મદદ મળે છે.
2- બ્લડ પ્રેશરને નિયંત્રિત કરે: નાળિયેરની ચટણી શરીરના બ્લડ પ્રેશરના સ્તરને ઘટાડવામાં મદદ કરે છે માટે હાઈ બ્લડ પ્રેશરથી પીડિત લોકોએ નારિયેળની ચટણીનું નિયમિત સેવન કરવું જોઈએ. હાઈ બ્લડ પ્રેશરથી પીડિત લોકો માટે તે જરૂરી છે. તેના ઉપયોગથી બ્લડ પ્રેશરને ઘણી હદ સુધી નિયંત્રિત કરવામાં મદદ મળી શકે છે.
3- હૃદયની તંદુરસ્તી જાળવવા માટે: નારિયેળમાં ઘણા પોષક તત્વો હોય છે જે રક્ત વાહિનીઓમાં એલડીએલ અને એચડીએલના સ્તરને સંતુલિત કરવામાં મદદ કરે છે. આ તમારા કાર્ડિયોવેસ્ક્યુલર સિસ્ટમ માટે નારિયેળને કુદરતી રીતે સ્વસ્થ ઘટક બનાવે છે. નારિયેળની ચટણીનું સેવન શરીરને સ્વસ્થ રાખવામાં મદદ કરે છે અને હૃદય સંબંધિત બીમારીઓથી પણ બચાવે છે અને જોખમને અટકાવે છે.
4- વજન નિયંત્રણમાં મદદરૂપ: નારિયેળની ચટણી શરીરમાં મેટાબોલિક રેટ વધારવામાં મદદ કરે છે એટલે કે તમારું શરીર તમામ ખોરાકનો યોગ્ય રીતે ઉપયોગ કરે છે અને તમને દિવસભર ઉર્જાવાન અને ઉર્જાનો અનુભવ કરાવે છે. ઘણા ઓછા લોકોને ખબર હશે કે સારો મેટાબોલિક દર પણ ઝડપથી વજન ઘટાડવામાં મદદ કરે છે.
5- હાડકાઓને મજબૂત કરે: નારિયેળની ચટણીમાં મેંગેનીઝનું પ્રમાણ વધુ હોય છે જે હાડકાના સ્વાસ્થ્ય માટે ખુબજ સારું છે. નારિયેળમાં સેલેનિયમ હોય છે જે એન્ટીઑકિસડન્ટ તરીકે કામ કરે છે.” હવે જાણીએ કે નાળિયેરની ચટણી કેવી રીતે બનાવવી
જરૂરી સામગ્રી: અડધો કપ છીણેલું નારિયેળ, એક ચમચી ઘી અથવા તેલ, રાઈના દાણા, પાંચ થી છ મીઠા લીમડાના પાન (સમારેલા), બે સૂકા લાલ મરચા, એક ચમચી શેકેલા ચણા, સ્વાદ પ્રમાણે મીઠું
નારિયેળની ચટણી કેવી રીતે બનાવવી: છીણેલા નારિયેળને બ્લેન્ડરમાં નાંખો અને તેની ઝીણી પેસ્ટ બનાવો. એક નાની કડાઈમાં થોડું તેલ કે ઘી નાખો. તેલ ગરમ થાય એટલે રાઈના દાણા, મીઠા લીમડાના પણ, સૂકા લાલ મરચા, ચમચી શેકેલા ચણા બધુ સારી રીતે મિક્સ કરીને બધા મસાલાઓને સતત હલાવતા રહો.
જ્યારે મિશ્રણમાંથી સુગંધ આવવા લાગે ત્યારે નારિયેળની પેસ્ટ ઉમેરો. હવે આ ચટણીમાં મીઠું ઉમેરીને બરાબર મિક્ષ કરી લો. ચટનીને સર્વિંગ બાઉલમાં લઇ લો. હવે તમારી ચટણી બનીને તૈયાર થઇ ગઈ છે. નારિયેળની ચટણી, જે ઘણા ગુણોથી ભરપૂર હોય છે, તેમાં ચરબીનું પ્રમાણ વધુ હોય છે, તેથી તેને વધુ માત્રામાં ન લેવી જોઈએ. સંતુલિત માત્રામાં તમે તેનું સેવન કરી શકો છો.
ઘણા લોકોનો સવાલ: 1- નાળિયેરની ચટણી એન્ટી બેક્ટેરિયા ધરાવે છે?: ઘણા લોકોના મનમાં પ્રશ્ન હોય છે કે શું નાળિયેરની ચટણીમાં એન્ટિ-બેક્ટેરિયલ ગુણ હોય છે? તો હા, તે તમારા શરીરમાં રહેલા કોઈપણ બેક્ટેરિયાને ખતમ કરે છે અને સ્વાસ્થ્ય સંબંધિત કોઈપણ સમસ્યાઓને દૂર રાખે છે.
