આજે આપણે કાઠિયાવાડી ઢાબા સ્ટાઈલ, ક્રિસ્પી, ચટાકેદાર, સ્પાઈસી, જોતા જ ખાવાનું મન થાય એવો વધારેલો રોટલો બનાવવાની રીત જોઈશું. આ રોટલો એકદમ ઝડપથી બની જાય છે. જો બાળકોને બાજરીનો રોટલો ના ભાવતો હોય તો તમે આ રીતે વઘારેલો રોટલો બનાવીને નાસ્તામાં આપી શકો છો. તો ચાલો જોઈએ આ રેસિપી. રેસિપી સારી લાગે તો શેર અને કૉમેન્ટ કરવાનુ ભુલતા નહીં.
સામગ્રી
- ૨ રોટલા
- ૨ વાટકી ખાટી છાસ
- ૨ ચમચા તેલ
- ૧/૨ ચમચી રાઈ
- ૧/૨ ચમચી જીરું
- ૧ નંગ સુકું લાલ મરચું
- ૧ નંગ લીલું મરચું
- ૧ ચમચી વાટેલ/ઝીણું સુધારેલ લસણ
- ૧ તમાલપત્ર
- લીમડાના પાન
- ૨ ચમચી લાલ મરચું
- ૧/૨ ચમચી હળદર
- ૧ ચમચી ધાણાજીરું
- મીઠું
- સમારેલ કોથમીર
વઘારેલો રોટલો બનાવાની રીત
સૌથી પહેલા રોટલો બનાવીને રાખો અથવા જમતા રોટલો વધ્યો હોય તો તેનો ઉપયોગ કરવો. હવે રોટલાને મસળી લો અથવા તેના નાના નાના ટુકડા કરી લેવા. હવે એક કડાઈમાં તેલ ઉમેરો. તેમાં રાઈ ઉમેરો. રાઈ તતડે એટલે જીરું, મીઠો લીમડો, સુકું લાલ મરચું, તમાલપત્ર, લસણ, હળદર ઉમેરો.
બધું સારી રીતે મિક્સ કરી લો. હવે તેમાં છાસ ઉમેરીને મિક્સ કરો. પછી લાલ મરચું, ધાણાજીરું, મીઠું અને રોટલો નાખી સારી રીતે હલાવી લો. તેલ છુટું પડે અને રોટલો-છાસ બરાબર મિક્સ થઇ જાય એટલે ગેસ બંધ કરી દો.
કોઈકને થોડોક રસાવાળો ભાવતો હોય તો તે પ્રમાણે છાસ વધારે ઉમેરવી. જો કોઈને કઠણ ભાવે તો ગેસ પર વધારે વાર રાખવો અને હલાવતા રહેવું. છેલ્લે ઉપરથી કોથમીર ભભરાવી પીરસો. તો તૈયાર છે ગરમ ગરમ રજવાડી વઘારેલો રોટલો.
તો મિત્રો તમને કેવી લાગી આજની આ રેસિપી? અમને કોમેન્ટ કરીને જરૂર જણાવજો અને હા, સારી લાગી હોય તો મિત્રો સાથે અને ફેમિલી મેમ્બર સાથે જરૂર શેર કરજો. ગુજરાતી ભાષામાં આવી અવનવી રેસિપી અને કિચન ટિપ્સ જાણવા માટે રસોઈનીદુનિયા સાથે જોડાયેલા રહો.
