idli batter recipe in gujarati
વધુ માહિતી મેળવવા અમારી સાથે જોડાઓ
WhatsApp Group Join Now

જો ઢોસાનું બેટર અને ઈડલીનું બેટર સારી બન્યું હોય તો ફૂલી ફૂલી મુલાયમ ઈડલી અને પાતળા છિદ્રોથી ભરેલા ઢોસા સારા બેને છે. આજની આ રેસિપી જાણીને તમે પણ ઘરે ઇડલી અને ઢોસાનું પરફેક્ટ બેટર સરળતાથી બનાવી શકો છો. એક જ બેટરમાંથી તમે સોફ્ટ ઈડલી સિવાય, પેપર ડોસા, મસાલા ઢોસા, ઉત્તપમ અને અપ્પે બનાવી શકો છો.

એકવાર ડોસા/ઇડલી બેટર બનાવીને ફ્રિજમાં સ્ટોર કરીને 2-3 દિવસ માટે ઉપયોગ કરી શકાય છે. તમે જાડી અને સોફ્ટ ઈડલી બનાવવા માટે બેટરને ઘટ્ટ કરી શકો છો અને તેમાં જરૂર મુજબ પાણી ઉમેરીને પાતળું ડોસા બનાવવાનું બેટર પણ બનાવી શકો છો.

મુખ્ય સામગ્રી ચોખા અને અડદની દાળ ઉપરાંત, મેથી ઝડપી આથો લાવવા માટે અને પૌઆ સરસ રંગ અને ક્રિસ્પી સ્વાદ માટે બેટરમાં ઉપયોગ કરવામાં છે.

શુદ્ધતાની કિંમત વધારે હોય છે, જો તમે બજારમાંથી તૈયાર ઢોસાના બેટર ખરીદવાને બદલે ઘરે ઈડલી ઢોસા બનાવવા માટે થોડો સમય કાઢીને બેટર બનાવો છો તો તમારા પરિવારને સ્વાદની સાથે શુદ્ધતા અને સારું સ્વાસ્થ્ય પણ આપી શકશો.

સામગ્રી : ચોખા 3 કપ, અડદની દાળ (ધોયેલી, છોલી કાઢી) 1 કપ, પોહા 1/2 કપ, મેથીના દાણા 1/2 ચમચી, ચણાની દાળ 2 ચમચી, બેસન 2 ચમચી, ખાંડ 1 ચમચી અને મીઠું 1 ચમચી.

બેટર બનાવવાની રીત : ઢોસા અથવા ઈડલીનું બેટર બનાવવા માટે, એક બાઉલમાં ચોખા અને મેથીના દાણાને ધોઈને પાણીમાં પલાળી રાખો. હવે બીજા બાઉલમાં અડદની દાળ, ચણાની દાળ અને પોહાને પાણીમાં પલાળી રાખો. બંનેને ફૂલવામાં લગભગ 6-7 કલાક લાગશે.

નિર્ધારિત સમય પછી જ્યારે પલાળેલા ચોખા અને દાળ ફૂલીને તૈયાર થઇ જાય, ત્યારે ચાળણીથી ચોખા અને દાળમાંથી વધારાનું પાણી કાઢી લો. હવે સૌ પ્રથમ ચોખાની પેસ્ટ તૈયાર કરો, આ માટે પલાળેલા ચોખાને મિક્સર જારમાં ઉમેરીને બ્લેન્ડ કરી લો.

ધ્યાન રાખો કે થોડું જ પાણી ઉમેરીને ઘટ્ટ પેસ્ટ બનાવો, ચોખાની પેસ્ટ સહેજ દાણાદાર બનાવવાની હોય છે. આ પેસ્ટને એક અલગ બાઉલમાં કાઢી લો. એ જ રીતે પલાળેલી દાળ અને પોહાને મિક્સર જારમાં ભરીને સહેજ પાણી ઉમેરીને પીસી લો, દાળની પેસ્ટ મુલાયમ બનશે.

હવે બંને પેસ્ટ તૈયાર છે. હવે બંને પેસ્ટને એક મોટા વાસણમાં કાઢીને મિક્સ કરીને હલાવી લો અને એક મોટા એર-ટાઈટ કન્ટેનરમાં ભરીને ફૂલવા માટે રાખો. (ઉનાળામાં લગભગ 6-7 કલાક અને શિયાળામાં 10-12 કલાકનો સમય ઈડલી ઢોસાના બેટર તૈયાર કરવા માટે લાગે છે) આ વાસણને ગરમ જગ્યાએ ઢાંકીને રાખો.

દસ-બાર કલાક પછી, ઈડલી ઢોસાના બેટરમાં પરપોટા જોવા મળી જશે અને બેટર ફૂલીને બે ગણું થઈ જશે. જો તમારે ઈડલી બનાવવી હોય તો તેમાં થોડું મીઠું ઉમેરીને પાણી ઉમેર્યા વગર ઈડલી બનાવી શકો છો. ઢોસા બનાવવા માટે, આ બેટરમાં મીઠું, ચણાનો લોટ, ખાંડ અને થોડું પાણી ઉમેરીને બરાબર મિક્સ કરો, આ રીતે ઢોસા બનાવવા માટેનું બેટર બની જશે. પછી તમે સ્વાદિષ્ટ ઢોસા બનાવો.

તમારું ઈડલી ઢોસાનું બેટર તૈયાર છે! ગેસ ચાલુ કરો, નોન-સ્ટીક તવાને ગેસ પર મુકો, ગરમ તવાને ભીના કપડાથી લૂછી લો અને ગરમ તવા પર ચમચી અથવા વાટકીથી ઢોસાનું બેટર ફેલાવી દો, ઢોસાને થોડું તેલમાં શેકી લો, સાંભર અને નાળિયેળની ચટણી સાથે સર્વ કરો.

તમે આ તૈયાર કરેલા બેટરને ફ્રિજમાં સાત દિવસ સુધી સ્ટોર કરી શકો છો અને તે દરમિયાન જ્યારે પણ તમે ઈચ્છો ત્યારે આ બેટરથી ઉત્તપમ, ઈડલી અને ઢોસા બનાવીને ખાઈ શકો છો. ચાલો જાણીએ આવી જ કેટલીક ટિપ્સ વિશે જે તમને ઈડલી અને ઢોસાના બેટરને બનાવવામાં અને સ્ટોર કરવામાં ખુબ જ ઉપયોગી થશે.

બેટર બનાવવા માટેની ટિપ્સ : ઈડલીના બેટરને મિક્સર જારમાં પીસતી વખતે એક કે બે વાર પીસી લો જેથી મિક્સર પર વધારે દબાણ ના પડે. ચોખા અને અડદની દાળને અલગ-અલગ પીસીને પછીથી પણ મિક્સ કરી શકાય છે.

બેટરમાં આવી ગયા પછી, જરૂર મુજબ જ તેને ફ્રીજમાંથી બહાર કાઢો, નહીં તો બેટર ઝડપથી ખાટું થઈ જશે. જો શિયાળાની ઋતુમાં થાળીના કારણે ઢોસાના બેટરનું ખમીર ચઢતું ના હોય, તો તમારે બેટર ભરેલા વાસણને ગરમ પાણીમાં રાખવું જોઈએ, બેટર ઝડપથી ફૂલી જશે.

જો બેટરનું મિશ્રણ 4-5 દિવસ જૂનું થઇ ગયું છે તો વાસણને હલાવ્યા વિના, બેટર પર રહેલું પાણી કાઢી નાખો અને તેમાં તાજું પાણી ઉમેરો, બેટર તાજું થઈ જશે.

બેટર સ્ટોર કરવા અને ઈડલી ઢોસા બનાવવા માટે ટિપ્સ : સાઉથ ઇન્ડિયન ઘરોમાં દર અઠવાડિયે એક કે બે વાર ઈડલી-ડોસાનું બેટર બનાવવામાં આવે છે. જો તમે ઈડલીના બેટરને લાંબા સમય સુધી ફ્રિજમાં કરી રાખો છો તો ખાટું થઈ શકે છે. સોફ્ટ ઈડલી બનાવવા માટે ચોખાને ત્યાં સુધી પીસો જ્યાં સુધી તે ચીકણું ના થઇ જાય, જેથી ઈડલી બનાવતી વખતે ફાટે નહીં.

ઢોસાને ક્રિસ્પી બનાવવા માટે, ઢોસા શેકતા પહેલા લગભગ 20 મિનિટ પહેલા બેટરમાં થોડી સોજી (રવો) ઉમેરીને મિક્સ કરો ખૂબ જ સ્વાદિષ્ટ ઢોસા બનશે. આ આ એક જ બેટરમાંથી તમે ડોસા-ઈડલી, મસાલા ઢોસા, ઉત્તપમ અને અપ્પે બનાવી શકાય છે.

તમે આ ઘરે બનાવેલા શુદ્ધ બેટરને ફ્રિજમાં 7 દિવસ સુધી સ્ટોર કરી શકો છો. જ્યારે બજારમાંથી લાવેલું બેટર ઝડપથી બગડી જાય છે.

રસોઇ ની દુનિયા

ગુજરાતી સ્વાદ અને રસોઈની વિવિધ વાનગીઓ ને વિશ્વ સમક્ષ પ્રસ્તુત કરતું પ્લેટફોર્મ! - રસોઇ ની દુનિયા