અમે તમને અવારનવાર સ્વસ્થ કેવી રીતે રહેવું અને ચહેરા પર નિખાર કેવી રીતે લાવવો તે માટેની ટિપ્સ અમે તમને જણાવતા રહીએ છીએ. આ ટિપ્સનો ઉપયોગ કરીને તમને ફાયદો પણ થયો હશે.
આજે અમે તમારા માટે એવી કેટલીક વસ્તુઓ લઈને આવ્યા છીએ જેમાં પાણી ભેળવીને પીવાથી સાફ અને હેલ્દી ત્વચા, વજન ઓછું કરવામાં, વાળ વધારવા માટે, સ્વસ્થ શરીર માટે અને બીજા ઘણા બધા ફાયદાઓ પણ થશે.
જો તમને વિશ્વાસ ના હોય તો અમારી સાથે તમે પણ આ વસ્તુઓ વિશે જાણો અને તમે પણ ઉપયોગ કરીને પોતાનામાં બદલાવ લાવી શકો છો
લીંબુ શરબત : લીંબુ શરબત એ વિટામિન સી ભરપૂર હોય છે અને તેમાં એન્ટીઑકિસડન્ટ છે અને સારી રોગપ્રતિકારક શક્તિ માટે વધારે જરૂરી છે. લીંબુ શરબત તમારા શરીરને ડિટોક્સિફાય કરે છે અને તમારી પાચનશક્તિમાં સુધારો કરે છે અને તમારી ત્વચાની ચમક જાળવી રાખે છે.
લીંબુ શરબતમાં ફાઈબર હોય છે જે તમને લાંબા સમય સુધી ભૂખથી રાહત આપે છે. તે વિટામિન-સી ભરપૂર હોવાથી તમારી ત્વચાને ચમકદાર અને સ્વસ્થ પણ રાખે છે. લીંબુ શરબત પોટેશિયમથી ભરપૂર હોવાથી તમારા શરીરને તણાવની કેટલીક સમસ્યાઓથી સુરક્ષિત કરી શકાય છે.
વિધિ : એક કપ ગરમ પાણી લો અને તેમાં અડધા લીંબુનો રસ નીચોવો અને પછી તેમાં થોડું મધ ઉમેરો. આ પાણીને તમે દરરોજ સવારે ખાલી પેટ પીવો.
કાકડીનું પાણી : કાકડીમાં એન્ટીઑકિસડન્ટ અને એન્ટી ઇન્ફ્લેમેટરી ગુણો હોય છે જે ત્વચાની ઘણી સમસ્યાઓ માટે ઉપયોગી છે જેમ કે સૂકી ત્વચા, ખીલ, કરચલીઓ વગેરે અને ત્વચાની ઘણી બધી સમસ્યાઓમાં પણ મદદ કરે છે.
કાકડીનું પાણી દરરોજ પીવાથી આપણી ત્વચાને હાઇડ્રેટેડ અને ચમકદાર રાખવામાં મદદ કરે છે. તે ચહેરા પર પડેલા ડાઘ ઓછા કરવામાં અને ત્વચાને અંદરથી પોષણ આપે છે અને મોઇશ્ચરાઇઝ કરે છે. કાકડીનું પાણી એસિડિટી, અલ્સર, ગેસ્ટ્રાઇટિસ, અપચો વગેરે જેવી પાચન સબંધિત ઘણી સમસ્યાઓ અમેત ફાયદાકારક.
વિધિ : એક નાના કદની કાકડીને કાપીને 1 લિટર પાણીમાં નાખો અને કાકડીને પાણીમાં નાખીને 2-3 કલાક માટે ફ્રીજમાં મુકો. આ પાણી ત્વચાને હાઇડ્રેટેડ અને અંદરથી ગ્લોઇંગ રાખવા માટે આખો દિવસ પીવો.
હળદર પાણી : હળદરમાં હીલિંગ ગુણો હોય છે જે સામાન્ય શરદી અને ઇન્ફેક્શન ના ઉપાય માટે રોગપ્રતિકારક શક્તિ વધારવામાં મદદ કરે છે.
વિધિ : એક તપેલીમાં 1 ઇંચ તાજી સમારેલી હળદર અથવા 1 ચમચી હળદર પાવડર સાથે 2 કપ પાણીમાં 4-5 કાળા મરીના દાણા ઉમેરો. પાણીને 5-10 મિનિટ સુધી ધીમા તાપે ઉકળવા દો. હળદર પાણીને ગાળીને આ પાણી પીવાથી શરદી, ઉધરસ અને ઇન્ફેક્શનમાં રાહત મળે છે.
આદુનું પાણી : આદુ હૃદયના સ્વાસ્થ્ય માટે સારું માનવામાં આવે છે અને વજન ઘટાડવામાં મદદ કરે છે. માથાના દુખાવાને દૂર કરે છે અને તમારી રોગપ્રતિકારક શક્તિને મજબૂત બનાવે છે. આદુનું પાણી એન્ટીઑકિસડન્ટોથી ભરપૂર હોવાથી તમારા શરીરને ફ્રી રેડિકલનો સામનો કરવામાં મદદ કરે છે, જેનાથી અમુક બીમારીઓનું જોખમ ઘટી જાય છે. આ સિવાય આદુના પાણીમાં મિનરલ પોટેશિયમ પણ ભરપૂર હોય છે.
વિધિ : એક તપેલીમાં 2 કપ પાણીમાં 1 ઈંચ તાજુ સમારેલું આદુ ઉમેરો અને 5-10 મિનિટ સુધી પાણીને ધીમા તાપે ઉકળવા દો. આદુના ટુકડાને ગાળી લો અને તેમાં અડધા લીંબુનો રસ નિચોવો અને 1 ચમચી કાચું મધ ઉમેરો. રોગપ્રતિકારક શક્તિ વધારવા માટે આ પાણીને દરરોજ પીવો.
ચિયા સીડ્સ : ચિયાસીડ્સમાં કેલ્શિયમ વધારે પ્રમાણમાં હોય છે જે તમારા હાડકાં અને સ્નાયુઓને મજબૂત બનાવે છે. ચિયાસીડ્સમાં રહેલી ઓમેગા ફૈટ એ હેલ્દી ફૈટ છે જે તમારા શરીરના કોલેસ્ટ્રોલના સ્તરને ઘટાડે છે અને હૃદયના સ્વાસ્થ્ય માટે જરૂરી છે. ચિયાસીડ્સમાં ભરપૂર માત્રામાં ફાઈબર હોય છે જે વજનને નિયંત્રણમાં કરવામાં મદદ કરે છે અને પાચનને સુધારવામાં પણ મદદ કરી શકે છે.
વિધિ : એક કપ પાણીમાં એક ચમચી ચિયા સીડ્સને થોડી વાર પલાળી રાખો. જ્યારે તે થોડું ફૂલી જાય પછી આ પાણી પી લો. તમે ચિયા સીડ્સને પાણી સાથે પણ લઈ શકો છો.
જીરું પાણી : જીરું પાણી તમારા પેટને આરામ આપે છે અને તમારી પાચન સંબંધિત સમસ્યાઓને ઓછી કરે છે. આ પાણી પીવાથી તમને ખેંચાણ અથવા કોઈ પણ પરેશાની વગર તે ખોરાકના પાચનમાં મદદ કરે છે. જીરુંના એન્ટીઑકિસડન્ટ અને ફાયટોસ્ટેરોલ ગુણો વજનને ઓછું કરવામાં મદદ કરે છે.
વિધિ : 1 ચમચી જીરાને પાણીમાં પલાળી રાખો અથવા તેને ઉકાળીને ગાળી લો. બીજી રીત એ છે કે તો આખી રાત પાણીમાં પલાળેલું જીરું પણ લઈ શકો છો. વજન ઓછું કરવા માટે તમે દરરોજ સવારે આ પાણી પીવો.
આ બધા પાણી પીને તમે પણ આ બધા ફાયદા મેળવી શકો છો. પરંતુ આ પાણી દરેક વ્યક્તિનું શરીર કુદરતી વસ્તુઓ પર અલગ રીતે પ્રતિક્રિયા આપે છે. આવી જ વધારે માહિતી મેળવવા માટે રસોઈનીદુનિયા સાથે જોડાયેલા રહો.
