અવનવી રેસિપી અને ટિપ્સ જાણવાા અમારી સાથે જોડાઓ.
WhatsApp Group Join Now
આજે આપણે જોઈશું ઘરે કેવી રીતે ગુજરાતી ફૂલવડી (Fulvadi recipe in gujarati) બનાવી શકો છો એટલે કે ફૂલવડી બનાવવાની રીત જોઈશું. દિવાળી નાં દિવસો હવે ખૂબ જ નજીક આવી રહ્યાં છે. તમે દિવાળી ની તૈયારી કરવા લાગ્યા હસો. દિવાળી માં ઘરે શું બનાવવું એ પણ તમે વિચારતા હસો.
તો આજે અમે તમારી માટે એકદમ ફરસાણ ની દુકાન જેવી સ્વાદિષ્ટ અને ક્રિસ્પી, ફૂલવડી કેવી રીતે બનાવવી તે વિશે જોઇશુ, જો રેસિપી પસંદ આવે તો મિત્રો સાથે શેર કરવાનુ ભુલતા નહીં.
ફૂલવડી માટે જરૂરી સામગ્રી:
- ૨ ચમચી ધાણા
- ૨ ચમચી કાળા મરી
- ૫ ચમચી દહીં
- સ્વાદ પ્રમાણે મીઠું
- ૨ ચમચી વરિયાળીનાં દાણા
- ૨ ચમચી તલ
- ૨ ચમચી લાલ મરચું પાવડર
- ૩ ચમચી ખાંડ
- લિમ્બુ ના ફૂલ
- ૩ ચમચી તેલ
- એક કપ કર્કરો ચણાનો લોટ
- એક કપ નિયમિત ચણાનો લોટ
- એક ચપટી ખાવાનો સોડા
- ફ્રાય કરવાં માટે તેલ
ફૂલવડી બનાવવાની રીત (fulvadi recipe in gujarati):
- મિક્સર બરણી માં ધાણા અને કાળા મરી નાખો. તેને અધકચરા ગ્રાઇન્ડ કરો.
- એક બાઉલમાં દહીં, મીઠું, લાલ મરચું પાઉડર, તલ, વરિયાળી, ખાંડ, એક ચપટી લીંબુ ના ફૂલ, ગ્રાઇન્ડ કરેલા ધાણા અને કાળા મરી અને તેલ નાંખો. ખાંડ ઓગળી જાય ત્યાં સુધી સારી રીતે ભેળવી દો.
- એક બાઉલમાં કર્કરો ચણા નો લોટ અને નિયમિત ચણાનો લોટ ઉમેરો. સારી રીતે મિક્સ કરો અને કણક ભેળવી દો.
- હવે ૪૦ મિનિટ માટે ઢાંકીને મુકી રાખો.
- બાઉલમાં, બેકિંગ સોડા( ખાવાનો સોડા) અને પાણી મિક્સ કરો. કણકમાં સોડા ઉમેરો અને બરાબર મિક્સ કરો.
- ત્યારબાદ લોટના મિશ્રણમાં થોડુ થોડું પાણી ઉમેરી કોમળ કણક તૈયાર કરી દો.
- તેલ ગરમ કરો અને ફુલવડી ઝારા નો ઉપયોગ કરીને ફુલવડી બનાવવાનું શરૂ કરો.
- તેલ સાથે ઝારા ની જાળીને ગ્રીસ કરો.
- થોડી માત્રામાં ફુલવડી ની કણક લો અને તેને ફુલવડી જાળી પર નાખો. પછી એક હાથે ઝારો પકડો અને બીજા હાથે ફૂલવડી ની કણક દબાવો.
- તમે ફુલવાડી કણક મોટા છિદ્રોમાંથી પસાર થતા અને ગરમ તેલમાં જતાં જોઈ શકસો.
- જ્યારે જલદી ફુલવડી તેલ પર તરતી દેખાય એટલે ગેસ ને થોડું ધીમું કરો અને સરસ, ક્રિસ્પી બ્રાઉન થાય ત્યાં સુધી ફુલવડીને ફ્રાય કરો.
- જો તમારી પાસે ફુલવડી ઝારો નથી, તો તમે તેલથી પ્લાસ્ટિકની થેલીને ગ્રીસ કરો. ત્યારબાદ ફુલવડી કણક કોથળી માં નાંખો અને પ્લાસ્ટિકની થેલીમાંથી શંકુ બનાવો.
- શંકુનો આગળનો ભાગ કાપીને શંકુની મદદથી ફુલવાડી બનાવો અને ઓછા ગેસ તાપે શેકી લો.
- તમે તમારા હાથથી પણ ફુલવાડી બનાવી શકો છો. હાથમા ફૂલવડી ની કણક લઈને તેને બન્ને હાથની મદદથી પાતળી સ્ટ્રીપ કરી લો
- તો તૈયાર છે તમારી ફરસાણ ની દુકાન માં મળે એવી ચટપટી ફૂલવડી.
નોંધ લેવી:
- બંને પ્રકારના લોટનું પ્રમાણ સરખું હોવું જોઈએ.
- પાણી સાથે ખાવાના સોડાને મિશ્રણ કરી અને પછી તેને કણકમાં ઉમેરો.
- થોડું થોડું પાણી ઉમેરો અને કણકનો રંગ બદલાઇ જાય ત્યાં સુધી તેને ભેળવી દો.
- હાથની મદદથી ઝારા ની પ્લેટ પર કણક દબાવો.
- ઓછા મધ્યમ ગેસ પર ફુલવાડી ને ફ્રાય કરો
