જયારે એકંદર આરોગ્ય અને સુંદરતા જાળવવાની વાત આવે ત્યારે પેટનું સ્વાસ્થ્ય ખૂબ જ મહત્વપૂર્ણ ભૂમિકા ભજવે છે કારણ કે સ્વસ્થ આંતરડા ઇન્ફેક્શન અને રોગોને દૂર રાખવામાં મદદ કરે છે. પરંતુ પેટને સ્વસ્થ રાખવા માટે કોઈ મોંઘી વાનગીઓ ખાવાની જરૂર નથી.
તમારું પેટ સ્વસ્થ રહે તેની ખાતરી કરવા માટે અહીં કેટલીક સરળ રીત આપવામાં આવેલી છે. એક ઉપાય જે છે ડિટોક્સ પીણું. તમારા શરીરને ડિટોક્સ કરવાની સૌથી સરળ રીત કઈ છે, તો તમે પણ ડિટોક્સ વોટર બનાવી શકો છો. આ તમારા માટે ગેમ ચેન્જર સાબિત થઇ શકે છે.
ઘણા લોકો તેનો ઉપયોગ દરરોજ તેનો એક જગ બનાવીને તેઓ આખા દિવસ દરમિયાન થોડું થોડું ગ્લાસ પીવે છે. તે ખૂબ જ સ્વાદિષ્ટ છે અને શરીર માટે ઉત્તમ છે. તે વજન ઘટાડવા, એનર્જી લેવલ, પીએચ લેવલ, ત્વચા, રોગપ્રતિકારક શક્તિમાં મદદ કરે છે અને ખૂબ જ હાઇડ્રેટિંગ છે.
તેને બનાવવામાં માત્ર 5 મિનિટ લાગે છે પરંતુ ઘણો ફરક દેખાય છે. તો ચાલો આ લેખમાં આ રેસીપી વિશે વિગતવાર જાણીએ.
સામગ્રી
- કાકડી થોડા ટુકડા
- લીંબુ થોડા સ્લાઈસ
- ફુદીનાના થોડા પાંદડા
- પાણી 1 જગ
વિધિ
એક કાચની બરણી (જગ) લો અને તેમાં કાકડીના થોડા ટુકડા મૂકો. પછી લીંબુના ટુકડા ઉમેરો અને પછી તેમાં ફુદીનાના પાન નાખો અને થોડો લીંબુનો રસ ઉમેરો. પછી પાણી ઉમેરીને સારી રીતે મિક્સ કરી લો. હવે આ બરણીને ફ્રીજમાં રાખો.
જ્યારે પાણી થોડું ઠંડુ થઈ જાય ત્યારે આખા દિવસ દરમિયાન થોડા થોડા ગ્લાસ પાણી પીવો. હવે પ્રશ્ન થતો હશે કે કાકડી, લીંબુ અને ફુદીનાના પાણીનું મિશ્રણ કેવી રીતે કામ કરે છે?
લીંબુ : લીંબુ એક કુદરતી ડિટોક્સિફાયર છે અને તે ચયાપચયને વધુ સારી રીતે મદદ કરે છે તેમજ શરીરમાંથી ઝેરી પદાર્થોને બહાર કાઢીને શરીરને શુદ્ધ કરવામાં મદદ કરે છે. લીંબુ લોહીને શુદ્ધ કરવા માટે જાણીતું છે, આમ શરીરને ઘણા સ્વાસ્થ્ય વિકૃતિઓથી મુક્ત રાખે છે.
ફુદીનો : ફુદીનો પાચન માટે સારું છે અને વજન ઘટાડવામાં મદદ કરે છે, પરંતુ તે શરીરમાંથી તમામ ઝેરી તત્વોને બહાર કાઢવામાં પણ મદદ કરે છે. જો તમે સોડા અથવા સુગરયુક્ત પીણાંનો વિકલ્પ શોધી રહ્યા છો તો ફુદીનાનું પાણી એક સારો ઉપાય છે. તેમાં ખાંડ અને કેફીન નથી હોતી અને ઘણી ઓછી કેલરી હોય છે.
કાકડી : કાકડીમાં 96% પાણી હોય છે અને તેથી હાઇડ્રેશન આપે છે. કાકડી ઝેરી પદાર્થોને બહાર કાઢે છે અને આંતરડાને સાફ કરે છે, આમ પાચન સંબંધિત કોઈપણ સમસ્યાઓને થતી અટકાવે છે. કાકડીઓ પાચનમાં મદદ કરે છે. મિનરલ્સ, એન્ટીઑકિસડન્ટો, વિટામિન્સ અને ફાયટોન્યુટ્રિઅન્ટ્સથી ભરપૂર આ પાણી જે મહિલાઓને સાદું પાણી પીવાનું પસંદ નથી તેમના માટે સારો વિકલ્પ છે.
શું મારે ડીટોક્સ પાણીમાં રહેલા ફળો ખાવા જોઈએ? જી હા, તમે પીણું બનાવવા માટે ઉપયોગ કરેલા ફળો ખાઈ શકો છો. પરંતુ ફળમાં પાણીને સ્વાદથી ભરી દે છે તેથી ફળમાં સ્વાદ ઓછો અને પાણી વધારે હોય છે. તેનો સ્વાદ પાણી જેવો અને ઓછો સ્વાદિષ્ટ હોઈ શકે છે. જો તમને પણ આ ડ્રિંક્સ પસંદ આવ્યું હોય તો,આવી જ આહાર સંબંધિત વધુ માહિતી માટે રસોઈનીદુનિયા સાથે જોડાયેલા રહો.
