શરીરને સ્વસ્થ રાખવા માટે સ્વસ્થ અને પૌષ્ટિક આહાર સૌથી મહત્વની બાબત છે. આ જ કારણ છે કે આરોગ્ય નિષ્ણાતો તમામ લોકોને પૌષ્ટિક વસ્તુઓનું સેવન વધારવાનો આગ્રહ કરે છે, જેથી વધુમાં વધુ માત્રામાં પોષક તત્વો મેળવી શકાય.
ખોટી જીવનશૈલી અને આહારમાં ગરબડના કારણે લોકોને નાની ઉંમરમાં જ વજન વધવા, હૃદય અને પાચનને લગતી સમસ્યાઓનો સામનો કરવો પડે છે. જો તમને પણ આવી કોઈ સમસ્યા છે તો તમારે ચિંતા કરવાની જરૂર નથી. હેલ્થ એક્સપર્ટના મતે આવી તમામ સમસ્યાઓને દહીં દ્વારા ઘટાડી શકાય છે.
પ્રોબાયોટીક્સથી ભરપૂર દહીંનું સેવન કરવાથી આંતરડામાં સારા બેક્ટેરિયાની વૃદ્ધિ સાથે પાચન અને વજનની સમસ્યાઓમાં મદદ મળે છે. આ સિવાય દહીંને કેલ્શિયમનો સારો સ્ત્રોત પણ માનવામાં આવે છે, તેથી તેનું સેવન દાંત અને વાળને સ્વસ્થ રાખવામાં પણ મદદરૂપ માનવામાં આવે છે.
તો ચાલો જાણીએ રોજિંદા આહારમાં દહીંનો સમાવેશ કરવાથી થતા કેટલાક અદભુત ફાયદાઓ વિશે. હૃદયને સ્વસ્થ રાખવામાં મદદ કરે છે: દરરોજ દહીં ખાવાથી કોલેસ્ટ્રોલનું સ્તર ઓછું થાય છે, જેનાથી હાઈ બ્લડ પ્રેશરનું જોખમ ઓછું થાય છે. તે કોલેસ્ટ્રોલના સ્તરને સંતુલિત કરવામાં અને હૃદયને સ્વસ્થ રાખવામાં મદદ કરે છે.
દરરોજ દહીંનું સેવન કરવાથી તમે હૃદય સંબંધી બીમારીઓથી બચી શકો છો. દહીં વજન ઘટાડવામાં ફાયદાકારક: હેલ્થ એક્સપર્ટ્સ અનુસાર, વજન ઘટાડવાનો પ્રયાસ કરી રહેલા લોકો માટે રોજ દહીંનું સેવન ફાયદાકારક સાબિત થઈ શકે છે. કોર્ટિસોલ નામના હોર્મોનમાં અસંતુલન અને નબળી જીવનશૈલીના કારણે કમરની આસપાસ વધારાની ચરબી જમા થવા લાગે છે.
દહીંમાં ભરપૂર માત્રામાં કેલ્શિયમ હોય છે, જે કોર્ટિસોલનું સ્તર ઓછું રાખવામાં મદદ કરે છે. દહીંનું સેવન કરવાથી તમને લાંબા સમય સુધી પેટ ભરેલું લાગે છે, જે કેલરીની માત્રામાં ઘટાડો કરીને વજન ઘટાડવામાં મદદ કરી શકે છે.
બ્લડ સુગર માટે ફાયદાકારક : આહારમાં દહીંનો સમાવેશ ડાયાબિટીસથી પીડિત દર્દીઓ માટે ખાસ કરીને ફાયદાકારક છે. ગ્રીક દહીં હૃદય રોગના જોખમને ઘટાડવા અને ડાયાબિટીસના દર્દીઓમાં બ્લડ સુગરને નિયંત્રિત કરવા માટે ફાયદાકારક માનવામાં આવે છે.
દહીં રોગપ્રતિકારક શક્તિ માટે ફાયદાકારક: દહીં એક એવા પ્રોબાયોટિક ખોરાક માંથી છે જેનું નિયમિત સેવન શરીર માટે ફાયદાકારક સાબિત થઈ શકે છે. પ્રોબાયોટીક્સ શ્વેત રક્તકણોને પ્રોત્સાહન આપવામાં મદદરૂપ છે. દહીંનું સેવન ચેપ સામે રક્ષણ આપવા ઉપરાંત રોગપ્રતિકારક શક્તિમાં સુધારો કરે છે.
કોરોના જેવા સમયમાં દહીંનું સેવન જરૂરી માનવામાં આવે છે. તમને અમારી માહિતી પસંદ આવી હોય તો રસોઈ ની દુનિયા સાથે જોડાયેલા રહો. અહીંયા તમને દરરોજ જીવન ઉપયોગી માહિતી, રેસિપી, કિચન ટિપ્સ, ટ્રિક અને હેલ્થ વિશેની માહિતી મળતી રહેશે.
