પરીક્ષા બાદ બાળકો ઘરે પાછા ફરે કે તરત જ વાલીઓનો પહેલો પ્રશ્ન હોય છે કે પેપર કેવું રહ્યું? વાલીઓ આ એક જ નહીં, પરંતુ પેપરને લગતા વિવિધ પ્રકારના પ્રશ્નો પૂછતા રહે છે. શું તમે વિચાર્યું છે કે આવું કરવાથી બાળકોને નુકસાન થઈ શકે છે? આજે અમે તમને આ વિશે વિગતવાર જણાવીશું.
સવાલ કરવો કેમ યોગ્ય નથી? બાળકોને પરીક્ષાને લઈને ખૂબ ટેન્શન હોય છે. આવી સ્થિતિમાં, તમારે પરીક્ષા પછી મળો ત્યારે તેમનું ટેન્શન ઓછું કરવાનો પ્રયાસ કરવો જોઈએ. પેપર કેવું હતું, શું આવ્યું, કેટલું કર્યું, કંઈ બાકી રાખ્યું કે કેમ, આવા પ્રશ્નો ન પૂછવા જોઈએ. કારણ કે બાળકોનું ટેન્શન ઓછું થવાને બદલે વધુ વધશે.
આગળનું પેપર ખરાબ થઈ શકે છે : આવા પ્રશ્નો પછી વાલીઓ પ્રશ્નપત્ર જોઈને ટોકવા લાગી જાય છે. ઉદાહરણ તરીકે, પેપર સારું ન ગયું, હવે વધુ મહેનત કરવી પડશે વગેરે. આ વાતો સાંભળીને બાળકના મનમાં પોતાના માર્કસ વિશે ખૂબ ઓછો વિશ્વાસ હોય છે અને તે આગામી પરીક્ષામાં નર્વસ થઈ જાય છે.
આત્મવિશ્વાસમાં ઘટાડો : પેપર પછી પ્રશ્નો ન પૂછવાનું સૌથી મોટું કારણ આત્મવિશ્વાસનો અભાવ હોય છે. આ પ્રશ્નો પૂછવાથી છેલ્લે ખરાબ અસર તો આત્મવિશ્વાસ પર પડે છે. ત્યારે બાળક વિચારે છે કે તે અન્ય બાળકો કરતા ઓછો છે અને સારા માર્કસ મેળવી શકતો નથી.
તમારી અપેક્ષાઓ થોપશો નહીં : આપણા માટે એ સમજવું અગત્યનું છે કે દરેક બાળક સરખું નથી હોતું. આવી સ્થિતિમાં, તમારી અપેક્ષાઓ લાદશો નહીં. તમારું બાળક અભ્યાસમાં અન્ય કરતા ઓછું હોઈ શકે છે પરંતુ રમતગમતમાં શ્રેષ્ઠ હોઈ શકે છે. તમારે બાળકોની પ્રતિભાને સમજવાનો પ્રયાસ કરવો જોઈએ .
તો આ કેટલીક ખાસ બાબતો હતી જે બાળકોને પૂછતા પહેલા ધ્યાનમાં રાખવી જોઈએ. આ લેખવિશે તમારું શું કહેવું છે તે અમને જણાવો. જો તમને આ લેખ ગમ્યો હોય તો રસોઈનીદુનિયા સાથે જોડાયેલા રહો.
Comments are closed.