આજે હું તમને જણાવીશ કે મસાલા ભરતા બનાવવાની રીત. જેનો રંગ અને સ્વાદ બંને અદ્ભુત છે. તમે નાસ્તામાં મસાલા આલૂ ભરતા બનાવી શકો છો અને બાળકોને તેમના લંચ બોક્સમાં પુરી અથવા પરાઠા સાથે આપી શકો છો. અથવા તમે આ વાનગી રાત્રિભોજન માટે પણ બનાવી શકો છો.
સામગ્રી
- બાફેલા બટાકા = 4 મધ્યમ કદના (છૂંદેલા)
- હીંગ = 1 ચપટી
- અજમો = ½ ટીસ્પૂન
- જીરું = 1 ટીસ્પૂન
- લસણની કળી = 3 નાની સમારેલી
- લીલા મરચા = 2 નાના સમારેલા
- ડુંગળી = 1 મધ્યમ કદની નાના સમારેલી
- ટામેટાં = 2 મધ્યમ કદના નાના સમારેલા
- કાશ્મીરી લાલ મરચું પાવડર = 2 ટીસ્પૂન
- હળદર પાવડર = ½ ટીસ્પૂન
- ધાણા પાવડર = 1.5 ટીસ્પૂન
- ગરમ મસાલા પાવડર = ½ ચમચી
- મીઠું = સ્વાદ પ્રમાણે
- લીલો કોથમીર = 2 ચમચી નાના સમારેલી
- તેલ = 2 થી 3 ચમચી
મસાલા આલુ ભરતા બનાવવાની રીત
મસાલા આલૂ ભર્તા બનાવવા માટે એક કડાઈમાં તેલ નાંખો અને તેને ગરમ કરો. તેલ ગરમ થાય ત્યારબાદ તેમાં જીરું, અજમો, લસણ, લીલા મરચા અને હિંગ નાંખો અને તેને થોડું સાતળી લો. હવે તેમાં ડુંગળી નાખો અને ડુંગળી આછા ગુલાબી થાય ત્યાં સુધી સાતળો.
ત્યારબાદ ટામેટાં અને મીઠું નાખી અને મિક્સ કરીને ઢાંકીને ટામેટાંને મધ્યમ તાપ પર 2 થી 3 મિનિટ સુધી નરમ થવા સુધી રાંધવા દો. જ્યારે ટામેટાં નરમ થઈ જાય છે. ત્યારબાદ ટામેટાંમાં હળદર પાવડર, કાશ્મીરી લાલ મરચું પાવડર, ધાણા પાવડર નાખી મસાલા મિક્સ કરી લો. (કાશ્મીરી લાલ મરચું ઓછું તીખું હોય છે. તે શાકભાજીમાં રંગ લાવવા માટે વપરાય છે.)
આ પણ વાંચો: માત્ર એક બાફેલા બટાકામાંથી 5 મિનિટમાં સવારે કણક બાંધ્યા વગર બનાવો ઘણા બધા આલુ પરાઠા
અને મસાલાને મધ્યમ તાપ પર ઢાંકીને 2 થી 3 મિનિટ સુધી પકાવો. જેથી મસાલા ઉપર તેલ આવે. 2 થી 3 મિનિટ પછી ઢાંકણ કાઢીને મસાલા હલાવો. ત્યારબાદ તેમાં છૂંદેલા બટાકા ઉમેરો અને બટાટાને સ્પેટુલાની મદદ થી બરાબર મિક્સ કરો.
ત્યારબાદ બટાકામાં 2 થી 3 ચમચી પાણી ઉમેરી, તેને મિક્સ કરી પેન ને ઢાંકીને ભર્તાને ધીમી આંચ પર 2 મિનિટ થવા દો. 2 મિનિટ પછી ઢાંકણ કાઢીને ગરમ મસાલો, કોથમીર નાખીને બંનેને મિક્સ કરો. ભર્તાને રાંધ્યા પછી, ગરમ મસાલા ઉમેરવાથી તે ખૂબ સરસ સુગંધ અને સ્વાદ આપે છે.
ત્યારબાદ ગેસ બંધ કરો અને 5 મિનિટ સુધી ભરતાને ઢાંકીને રાખો. તેના પછી આ ભરતાને પરોઠા,પુરી અથવા રોટલીથી સર્વ કરો.
નોંધ
- જો તમે બાળકો માટે ભરતા બનાવીને બપોરના લંચ બોક્સમાં આપી રહ્યા છો, તો પછી મરચાંનું પ્રમાણ ઓછું કરો.
- બટાકાને ઉકાળ્યા પછી, તેને એક કલાક માટે ફ્રિજમાં રાખો. બટાટા ઠંડુ થાય, પછી બટાકાની છાલ કાઢીને તેને મેશ કરી લો. જો તમારી પાસે ફ્રિજ નથી, તો પછી બટાટાને ફ્રિજ વગર ઠંડુ થવા દો.